Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Kobima 17:1-16

17  Mpe liyangani mobimba ya bana ya Yisraele elongwaki na esobe ya Sine+ mpe esalaki mobembo ndambondambo, oyo basalaki na kolanda etinda ya Yehova,+ mpe bakendaki kotya kaa na Refidime.+ Kasi mai ezalaki te mpo bato bámɛla.  Mpe bato babandaki koswanisa Moize mpe koloba ete:+ “Pesá biso mai mpo tómɛla.” Kasi Moize alobaki na bango ete: “Mpo na nini bozali koswanisa ngai? Mpo na nini bozali kaka komeka Yehova?”+  Mpe kuna bato bazalaki kaka na mposa ya mai, mpe bato bakobaki koimaima mpo na Moize mpe koloba ete: “Mpo na nini obimisi biso na Ezipito mpo na koboma biso ná bana na biso mpe bibwɛlɛ na biso na mposa ya mai?”+  Nsukansuka Moize abelelaki Yehova ete: “Nakosala nini na bato oyo? Etikali moke bábamba ngai mabanga!”+  Bongo Yehova alobaki na Moize ete: “Leká liboso ya bato+ mpe kamatá bato mosusu kati na mikóló ya Yisraele bázala elongo na yo mpe kamatá lingenda na yo oyo obɛtaki na yango Ebale Nile.+ Kamatá yango na lobɔkɔ na yo mpe osengeli kotambola.  Mpe talá! nakotɛlɛma liboso na yo kuna likoló ya libanga na Horebe. Mpe osengeli kobɛta libanga, mpe mai esengeli kobima na yango, mpe bato bakomɛla yango.”+ Na yango, Moize asalaki bongo na miso ya mikóló ya Yisraele.  Bongo apesaki esika yango nkombo Masa+ mpe Meriba,+ mpo na koswanisa oyo bana ya Yisraele baswanisaki Moize mpe mpo bamekaki Yehova,+ na ndenge bazalaki koloba ete: “Yehova azali kati na biso to te?”+  Mpe Baamaleke+ bayaki kobunda na Yisraele na Refidime.+  Na yango Moize alobaki na Yosua ete:+ “Ponelá biso mibali mpe bimá,+ bundá na Baamaleke. Lobi ngai moko nakotɛlɛma na nsɔngɛ ya ngomba moke, nakozala na lingenda ya Nzambe ya solo na lobɔkɔ na ngai.”+ 10  Bongo Yosua asalaki kaka ndenge Moize alobaki na ye,+ mpo na kobunda na Baamaleke; mpe Moize, Arona mpe Hure+ bamataki na nsɔngɛ ya ngomba moke. 11  Mpe esalemaki boye: ntango Moize azalaki kotombola lobɔkɔ na ye, Bayisraele bazalaki kolonga;+ kasi ntango azalaki kokitisa lobɔkɔ na ye, Baamaleke bazalaki kolonga. 12  Ntango mabɔkɔ ya Moize ekómaki kilo, bazwaki libanga mpe batyaki yango na nse na ye, mpe afandaki likoló na yango; mpe Arona ná Hure basimbaki mabɔkɔ na ye, mosusu epai oyo mpe mosusu epai oyo, mpo mabɔkɔ na ye etikala ngwi tii moi ekolala. 13  Na yango Yosua alongaki Amaleke ná bato na ye na mopanga.+ 14  Sikoyo Yehova alobaki na Moize ete: “Komá likambo oyo na buku+ mpo ezala ekaniseli mpe yebisá yango na matoi ya Yosua ete: ‘Nakolongola mpenza Baamaleke na nse ya lola mpe bakokanisama lisusu te.’”+ 15  Mpe Moize atongaki etumbelo mpe apesaki yango nkombo Yehova-nisi, 16  mpe alobaki ete: “Mpo lobɔkɔ etɛmɛli kiti ya bokonzi+ ya Yah,+ Yehova akobunda etumba ná Amaleke bileko na bileko.”+

Maloba na nse