Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Kobima 11:1-10

11  Mpe Yehova alobaki na Moize ete: “Nakoyeisela Farao ná Ezipito bolɔzi moko lisusu. Nsima na yango, akotika bino bólongwa awa, bókende.+ Na ntango akotika bino nyonso bókende, akobengana mpenza bino bólongwa awa.+  Sikoyo lobá na matoi ya bato, ete básɛnga, mobali nyonso epai ya moninga na ye, mpe mwasi nyonso epai ya moninga na ye, biloko ya palata mpe biloko ya wolo.”+  Na yango, Yehova asalaki ete bato bándimama na miso ya Baezipito.+ Mobali yango Moize mpe azalaki moto monene mpenza na mokili ya Ezipito, na miso ya basaleli ya Farao mpe na miso ya bato.+  Mpe Moize alobaki lisusu ete: “Talá oyo Yehova alobi: ‘Pene na midi ya butu nakoleka na kati ya Ezipito,+  mpe mwana nyonso ya liboso+ na mokili ya Ezipito asengeli kokufa, banda na mwana ya liboso ya Farao oyo azali kofanda na kiti na ye ya bokonzi kino na mwana ya liboso ya mosaleli ya mwasi oyo azali kosala na enikelo ya mabɔkɔ mpe mwana nyonso ya liboso ya nyama.+  Mpe kolela monene ekozala mpenza na mokili mobimba ya Ezipito, kolela ya boye eyokaná naino te, mpe kolela ya boye ekoyokana lisusu te.+  Kasi mbwa ekongalela moto ata moko te kati na bana ya Yisraele, banda na moto tii na nyama;+ mpo bóyeba ete Yehova akoki kosala bokeseni kati na Baezipito mpe bana ya Yisraele.’+  Mpe basaleli na yo oyo nyonso bakokita mpenza epai na ngai mpe bakofukama bilongi na nse liboso na ngai+ mpe bakoloba ete: ‘Kende, yo ná bato nyonso oyo bazali kolanda matambe na yo.’ Mpe nsima na yango, nakobima.” Na yango, alongwaki epai ya Farao, abimi na nkanda makasi.  Bongo Yehova alobaki na Moize ete: “Farao akoyokela bino te,+ mpo makamwisi na ngai ebakisama na mokili ya Ezipito.”+ 10  Mpe Moize ná Arona basalaki makamwisi oyo nyonso liboso ya Farao,+ kasi Yehova azalaki kotika motema ya Farao ekóma makasi, bongo atikaki te bana ya Yisraele bálongwa na mokili na ye, bákende.+

Maloba na nse