Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Hosea 9:1-17

9  “Kosepela te, Ee Yisraele.+ Kozala esengoesengo te lokola bato ya bikólo mosusu.+ Mpamba te na pite na yo, olongwe pene na Nzambe na yo.+ Olingaki makabo ya lifuti na bisika nyonso ya kotutatuta mbuma.+  Esika ya kotutatuta mbuma mpe ekamwelo ya vinyo ezali koleisa bango te,+ mpe vinyo ya elɛngi ezali kokosa ye.+  Bakokoba kofanda na mokili ya Yehova te,+ mpe Efraime asengeli kozonga na Ezipito,+ mpe bakolya biloko ya mbindo na Asiri.+  Bakosopela lisusu Yehova vinyo te.+ Mpe bambeka na bango ekosepelisa ye te;+ na miso na bango, bazali lokola mampa ya ntango ya lilaka;+ baoyo nyonso bazali kolya yango bakomikómisa mbindo. Mpamba te mampa na bango ezali mpo na molimo na bango moko; ekoya na ndako ya Yehova te.+  Bokosala nini na mokolo ya likita mpe na mokolo ya fɛti ya Yehova?+  Mpo talá! bakokende mpenza likoló ya kopunzama.+ Ezipito ekosangisa bango esika moko;+ bongo Memfisi+ ekokunda bango. Mpe matiti ya nsendensende ekokóma nkolo ya biloko na bango ya kitoko ya palata;+ mwa banzete ya nzubɛnzubɛ ekozala na kati ya bahema na bango.+  “Mikolo ya kolandela bino ekoya mpenza;+ mikolo ya lifuti oyo esengeli ekoya mpenza.+ Bato ya Yisraele bakoyeba yango.+ Mosakoli akokóma zoba,+ moto ya maloba oyo elobami na elimo akobɛla ligboma mpo libunga+ na yo etondi, ɛɛ, mpo koyina etondi mingi.”  Sinzili+ ya Efraime azalaki elongo na Nzambe na ngai.+ Motambo ya mokangi-ndɛkɛ ezali na banzela nyonso+ ya mosakoli;+ koyina ezali na ndako ya Nzambe na ye.  Bamipesi mingi mpenza na kobebisa,+ lokola na mikolo ya Gibea.+ Akokanisa libunga na bango;+ akotya likebi na masumu na bango. 10  “Nakutaki Yisraele lokola mbuma ya vinyo na kati ya esobe.+ Namonaki bankɔkɔ na bino lokola mbuma ya figi ya liboso mpenza na nzete ya figi na ebandeli na yango.+ Bakendaki epai ya Baala ya Peore,+ mpe babandaki komipesa na eloko ya nsɔni,+ mpe bakómaki bosɔtɔ lokola eloko ya bolingo na bango.+ 11  Mpe nkembo ya Efraime epumbwe lokola ekelamu moko oyo epumbwaka,+ bongo bazali kobota te, libumu moko te ezali na zemi mpe bazali kozwa zemi te.+ 12  Mpo, atako bazali kobɔkɔla bana na bango ya mibali, ngai mpe nakozangisa bango bana bongo mobali oyo akoli akozala te;+ mpo—mawa na bango lisusu, ntango nakopesa bango mokɔngɔ!+ 13  Efraime, oyo ngai namonaki lokola Tire apikami na esika oyo baleisaka banyama matiti,+ ɛɛ, Efraime akobimisela mobomi bana na ye.”+ 14  Ee Yehova, pesá bango oyo osengeli kopesa.+ Pesá bango libumu oyo ezali kosopa bazemi+ mpe mabɛlɛ oyo ezali kokauka. 15  “Mabe na bango nyonso ezalaki na Gilgale,+ mpo kuna nde nasengelaki koyina bango.+ Nakobengana bango na ndako na ngai+ mpo na mabe ya misala na bango. Nakokoba te kolinga bango.+ Bankumu na bango nyonso bazali kosala motó makasi.+ 16  Efraime asengeli kobomama.+ Mosisa na bango esengeli kokauka.+ Bakobota ata mbuma moko te.+ Mpe ata soki baboti bana, nakoboma biloko kitoko ya libumu na bango.”+ 17  Nzambe na ngai+ akobwaka bango, mpo bayokeli ye te,+ mpe bakokóma bato oyo bazali kokimakima na kati ya bikólo.+

Maloba na nse