Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Hosea 8:1-14

8  “Na monɔkɔ na yo—tyá liseke!+ Moto moko azali koyela ndako ya Yehova lokola mpongo,+ mpo babuki kondimana na ngai,+ mpe babuki mobeko na ngai.+  Bazali se kobelela ngai boye: ‘Ee Nzambe na biso, biso, Yisraele, toyebá yo.’+  “Yisraele abwaki makambo ya malamu.+ Tiká moto oyo azali monguna alandalanda ye.+  Bamityeli bakonzi,+ kasi ezali mpo na ngai te. Batye bankumu, kasi ngai nayebaki yango te. Na palata na bango mpe na wolo na bango, bamisaleli bikeko,+ mpo bálongolama.+  Ee Samaria, mwana na yo ya ngɔmbɛ abwakami.+ Nkanda na ngai engaleli bango.+ Kino ntango nini bakozala kaka na ngambo?+  Mpo yango eutaki mpenza na Yisraele.+ Moto mpamba oyo ayebi malamu misala ya mabɔkɔ nde asalaki yango,+ mpe yango ezali Nzambe te; mpo mwana ya ngɔmbɛ ya Samaria akokóma putulu mpamba.+  “Mpo bazali kokoba kolona mopɛpɛ, bakobuka ekumbaki.+ Mbuma oyo etɛlɛmi naino ezali te.+ Mwa molona moko te ya sika ekobimisa farini.+ Ata soki mosusu ebimisi yango, bapaya nde bakolya yango.+  “Yisraele asengeli komɛlama.+ Sikoyo, basengeli kozala na kati ya bikólo mosusu,+ lokola mbɛki oyo moto moko te azali kosepela na yango.+  Mpamba te bango moko bamati epai ya Asiri,+ lokola zɛbrɛ oyo efandi kaka yango moko.+ Na Efraime, bafuti bandumba mbongo bázala bamakango.+ 10  Lisusu, atako bazali kokoba kozwa bandumba oyo bango bafuti na bikólo mosusu,+ nakosangisa bango sikoyo esika moko; mpe na ntango moke, bakozala na kati ya mpasi makasi+ mpo na kilo ya mokonzi mpe bankumu. 11  “Mpamba te Efraime abakisi bitumbelo ebele ebele mpo na kosala masumu.+ Akómi na bitumbelo mpo na kosala masumu.+ 12  Nabandaki kokomela ye ebele ya makambo ya mobeko na ngai;+ kasi ataleli yango lokola eloko ayebi te.+ 13  Bambeka oyo bazalaki kopesa ngai ezalaki nde misuni,+ mpe bazalaki kolya eloko oyo Yehova ye moko asepelaki na yango te.+ Sikoyo, akokanisa libunga na bango mpe akosɛnga bango bázongisa monɔkɔ mpo na masumu na bango.+ Bakómaki kozonga na Ezipito.+ 14  Mpe Yisraele abandaki kobosana Mokeli+ na ye mpe akómaki kotonga batempelo;+ mpe Yuda abakisi bingumba ebele ebele oyo ebatelami makasi.+ Mpe nakotinda mpenza mɔtɔ na bingumba na ye mpe ekolya bandako milai ya kofanda ya engumba mokomoko.”+

Maloba na nse