Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Hosea 6:1-11

6  “Bóya mpe tózongela Yehova,+ mpo ye moko apasolipasoli biso+ kasi akobikisa biso.+ Abɛtibɛti, kasi akokanga bampota na biso.+  Akozongisa biso na bomoi nsima ya mikolo mibale.+ Na mokolo ya misato, akotɛlɛmisa biso, mpe tokozala na bomoi liboso na ye.+  Mpe tokoyeba, tokoluka koyeba Yehova+ ntango nyonso. Ya solo, lokola ebandeli ya ntɔngɔ,+ akobima mpenza.+ Mpe akoya epai na biso lokola mbula makasi;+ lokola mbula ya eleko ya prɛnta oyo epɔlisaka mabele.”+  “Ee Efraime, nakosala yo nini? Ee Yuda,+ nakosala yo nini, awa motema boboto na bino ezali lokola mapata ya ntɔngɔ mpe lokola mamwɛ oyo elimwaka na ntɔngɔntɔngɔ?  Yango wana nakosalela basakoli mpo na kokatakata bango;+ nakoboma bango na maloba ya monɔkɔ na ngai.+ Mpe bikateli ya lisambisi oyo ekokwela yo ekozala lokola pole oyo ezali kobima.+  Mpo nasepeli nde na motema boboto,+ kasi na mbeka te;+ mpe na boyebi ya Nzambe kasi na makabo ya kotumba mobimba te.+  Kasi bango, babuki kondimana+ lokola moto ya mabele. Wana nde esika basaleli ngai makambo na bokosi.+  Gileade+ ezali sité ya bato oyo basalaka makambo ya mabe; makolo na bango etondi na makila.+  Mpe lisangá ya banganga-nzambe bazali bituluku ya bapunzi+ oyo babatamaka mpo na kosala moto mabe.+ Na pembeni ya nzela, bazali koboma bato na Shekeme,+ mpo bamipesi na eloko mosusu te kaka na etamboli ya nsɔni.+ 10  Namoni likambo moko ya nsɔmɔ mingi+ na ndako ya Yisraele. Efraime ezali kosala pite.+ Yisraele emikómisi mbindo.+ 11  Lisusu, Ee Yuda, batyeli yo ntango oyo bakosangisa yo ndenge basangisaka mbuma na ntango ya kobuka mbuma; ntango nakozongisa bato na ngai oyo bakangami.”+

Maloba na nse