Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Hosea 5:1-15

5  “Ee banganga-nzambe,+ bóyoka likambo oyo, Ee ndako ya Yisraele, bótya likebi, mpe bino, Ee ndako ya mokonzi,+ bófungola matoi, mpo lisambisi yango etali nde bino; mpamba te bino bokómeli Mizipa motambo+ mpe bokómi lokola monyama oyo etandami likoló ya Tabore.+  Mpe bapɛngwi bamipesi mingi mpenza na mosala ya koboma,+ mpe ngai nazalaki kolendisa bango nyonso.+  Ngai nayebaki Efraime,+ mpe Yisraele ebombamaki te liboso na ngai.+ Mpamba te sikoyo, Ee Efraime, osangani na basi ndenge mibali basanganaka na basi ya ndumba;+ Yisraele emikómisi mbindo.+  Misala na bango ezali kopesa nzela te ya kozongela Nzambe na bango,+ mpo bazali na elimo ya pite;+ mpe bandimi Yehova te.+  Mpe lolendo ya Yisraele etatoli na elongi na ye;+ mpe Yisraele ná Efraime babɛti libaku na libunga na bango.+ Yuda mpe abɛti libaku elongo na bango.+  Bakendaki koluka Yehova ná bitonga na bango ya bampate mpe bitonga na bango ya bangɔmbɛ, kasi bamonaki ye te.+ Amibendaki mosika na bango.  Basaleli Yehova makambo na bokosi,+ mpo bakómi batata ya bana oyo bazali bapaya.+ Sikoyo, bakolyama na sanza moko elongo na biloko na bango.+  “Bóyula liseke+ na Gibea,+ kelelo na Rama! Bóbɛta ntangwa ya etumba na Bete-avene+—nsima na yo, Ee Benyamina!+  Ee Efraime, na mokolo ya mpamela, okokóma eloko ya kokamwa mpenza.+ Na mabota ya Yisraele, nayebisi maloba oyo ebongi kotyelama motema.+ 10  Bankumu ya Yuda bakómi mpenza lokola baoyo bazongisaka ndelo ya mabele nsima.+ Nakosopela bango nkɛlɛ na ngai lokola mai. 11  Efraime azali konyokwama, atutami na bosembo,+ mpamba te ye moko aponi kolanda monguna na ye.+ 12  Mpe ngai nazalaki lokola ndɔngɛ+ mpo na Efraime mpe lokola kopɔla mpo na ndako ya Yuda. 13  “Bongo Efraime amonaki maladi na ye, mpe Yuda mpota na ye.+ Mpe Efraime akendaki epai ya Asiri+ mpe atindelaki mokonzi moko monene bato.+ Kasi ye akokaki te kobikisa bino,+ mpe akokaki te kolongola bino mpota ata na nkisi nini.+ 14  Mpo nakozala lokola mwana-nkɔsi na Efraime+ mpe lokola mwana-nkɔsi oyo nkingo etondi na nsuki na ndako ya Yuda. Ngai, ɛɛ ngai moko nakopasolapasola mpe nakokende, nakomema, mpe mobikisi akozala te.+ 15  Nakokende, nakozonga na esika na ngai tii ntango bakomema kilo ya ngambo na bango;+ mpe bakoluka mpenza elongi na ngai.+ Ntango ekoyela bango ndongo,+ bakoluka ngai.”+

Maloba na nse