Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Hosea 4:1-19

4  Ee bana ya Yisraele, bóyoka liloba ya Yehova, mpamba te Yehova azali na likambo ya kosamba na bato oyo bafandi na mokili,+ mpo solo ezali te,+ motema boboto ezali te mpe boyebi ya Nzambe ezali te na mokili.+  Kolakela mabe,+ bokosi,+ koboma,+ moyibi+ ná ekobo+ epalangani, mpe misala ya kosopa makila ebakisami likoló ya misala mosusu ya kosopa makila.+  Yango wana, mokili ekolela+ mpe bato nyonso oyo bafandi kuna bakosila mokemoke, ná nyama ya zamba oyo efandaka na esobe ná ekelamu oyo epumbwaka na likoló, mpe ata mbisi ya mbu ekoyanganisama na liwa.+  “Nzokande, moto moko te abunda,+ mpe moto moko te apamela, mpo bato na yo bazali lokola baoyo bazali kobunda na nganga-nzambe.+  Mpe na moi,+ okobɛta mpenza libaku ndenge babɛtaka libaku na butu, ata mosakoli mpe akobɛta libaku elongo na yo.+ Mpe nakoboma mama na yo.+  Ya solo mpenza, bato na ngai bakobomama nyɛɛ, mpo boyebi ezali te.+ Lokola obwaki boyebi,+ ngai mpe nakobwaka yo mpo osalela ngai lisusu te mosala ya nganga-nzambe;+ mpe lokola ozali kokoba kobosana mobeko ya Nzambe na yo,+ ngai mpe nakobosana bana na yo.+  Lokola bazali kokóma ebele, masumu na bango mpe ezali se kobakisama liboso na ngai.+ Batye nsɔni na esika ya nkembo na ngai.+  Bazali kolya na lisumu ya bato na ngai, mpe molimo na bango ezali se na mposa ya libunga na bango.+  “Mpe, ya solo, oyo ekokómela bato ya ekólo ekokómela mpe nganga-nzambe;+ mpe nakosɛnga bango bázongisa mpenza monɔkɔ mpo na banzela na bango;+ mpe nakozongisela bango misala na bango.+ 10  Mpe bakolya mpenza, kasi bakotonda te.+ Bakosangana na basi ndenge mibali basanganaka na basi ya ndumba; kasi bakokóma ebele te,+ mpo batiki kotalela Yehova ye moko.+ 11  Pite, vinyo ná vinyo ya elɛngi, yango nde biloko oyo elongolaka makanisi* ya malamu.+ 12  Bato na ngai bazali kokoba kotuna+ ekeko na bango ya nzete,+ mpe lingenda ya lobɔkɔ na bango moko nde ezali kokoba koyebisa bango makambo; mpamba te elimo ya pite ememi bango na koyengayenga,+ mpe na pite na bango, batombokeli Nzambe na bango.+ 13  Bazali kopesa bambeka na bansɔngɛ ya bangomba,+ mpe bazali kobimisa milinga ya mbeka na bangomba mike,+ na nse ya nzete ya monene mingi, nzete ya sitirakisi mpe nzete monene, mpamba te elili na yango ezali malamu.+ Yango wana bana na bino ya basi bazali kosala pite mpe basi ya bana na bino bazali kosala ekobo. 14  “Nakosɛnga te ete bana na bino ya basi bázongisa monɔkɔ mpo na pite oyo bazali kosala, to basi ya bana na bino mpo na ekobo oyo bazali kosala. Mpamba te mibali bazali komibenda pembeni ná basi ya ndumba,+ mpe bango ná basi ya ndumba ya tempelo+ bazali kopesa mbeka; mpe bato oyo bazali kokanga ntina te+ bakonyatama. 15  Ee Yisraele, atako yo ozali kosala pite,+ Yuda amema ngambo te,+ mpe bóya na Gilgale+ te, bómata mpe na Bete-avene+ te mpe bólapa ndai te ete: ‘Lokola Yehova azali solo na bomoi!’+ 16  Mpamba te Yisraele mpe akómi motó makasi lokola ngɔmbɛ-mwasi ya motó makasi.+ Sikoyo nde Yehova akokamba bango lokola mwana-mpate ya mobali na esika oyo ezali monene? 17  Efraime akangani na bikeko.+ Bótika ye!+ 18  Lokola masanga na bango ya blé esili,+ basangani na mwasi lokola mobali asanganaka na mwasi ya ndumba.+ Babateli na bango+ balingá makambo ya nsɔni.+ 19  Mopɛpɛ moko ezingi ye na kati ya mapapu na yango.+ Mpe bakoyoka nsɔni mpo na bambeka na bango.”+

Maloba na nse

Lil., “motema.”