Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Hosea 2:1-23

2  “Bóloba na bandeko na bino ya mibali boye: ‘Bato ya ekólo na ngai!’+ mpe na bandeko na bino ya basi ete: ‘Ee mwasi oyo bayokeli mawa!’+  Bósamba likambo na mama na bino;+ bósamba likambo, mpo azali mwasi na ngai te+ mpe ngai nazali mobali na ye te.+ Mpe asengeli kolongola pite na ye liboso na ye mpe misala na ye ya ekobo na katikati ya mabɛlɛ na ye,+  noki natika ye bolumbu+ mpe nakómisa ye mpenza lokola na mokolo oyo abotamaki,+ nakómisa ye lokola esobe,+ nakómisa ye lokola mokili oyo ezangá mai+ mpe naboma ye na mposa ya mai.+  Mpe nakoyokela bana na ye mawa te,+ mpo bazali bana oyo aboti na pite.+  Mpamba te mama na bango asali pite.+ Mwasi oyo akumbaki zemi na bango asali makambo ya nsɔni,+ mpo alobaki ete: ‘Nalingi kolanda baoyo balulaka ngai mingi,+ baoyo bapesaka ngai limpa ná mai, lɛnɛ ná lini, mafuta ná masanga.’+  “Yango wana, talá nazali kozinga nzela na yo na nzubɛ; mpe nakomatisa efelo ya mabanga liboso na ye,+ bongo akomona kutu babalabala na ye te.+  Mpe akolandalanda baoyo balulaka ye mingi, kasi akozwa bango te;+ mpe akolukaluka bango, kasi akomona bango te. Mpe akoloba mpenza boye: ‘Nalingi kozongela mobali na ngai+ ya liboso,+ mpo nazalaki malamu na ntango wana koleka sikoyo.’+  Kasi ye andimaki te+ ete ngai nde napesaki ye mbuma,+ vinyo ya elɛngi ná mafuta, mpe natondiselaki ye palata, ná wolo, oyo basalelaki na losambo ya Baala.+  “‘Yango wana, nakobaluka mpe, ya solo, nakolongola mpenza mbuma na ngai na ntango na yango mpe vinyo na ngai ya elɛngi na eleko na yango,+ mpe nakobɔtɔla lɛnɛ na ngai ná lini na ngai oyo ezalaki kozipa bolumbu na ye.+ 10  Mpe sikoyo, nakomonisa bolumbu na ye na miso ya baoyo balulaka ye mingi,+ mpe moto moko te akobɔtɔla ye na lobɔkɔ na ngai.+ 11  Mpe nakosukisa mpenza esengo na ye nyonso,+ fɛti na ye,+ sanza na ye ya sika,+ sabata na ye ná bileko na ye nyonso ya fɛti. 12  Mpe nakobebisa nzete na ye ya vinyo+ mpe nzete na ye ya figi,+ oyo ye alobaki mpo na yango ete: “Ezali likabo na ngai, oyo baoyo balulaka ngai mingi bapesá ngai”; mpe nakokómisa yango lokola zamba,+ mpe banyama ya zamba oyo efandaka na esobe ekosasa yango mpenza. 13  Mpe nakosɛnga ye azongisa monɔkɔ+ mpo na mikolo oyo azalaki kobimisela bikeko ya Baala+ milinga ya mbeka,+ ntango azalaki kolatalata lopɛtɛ na ye mpe biloko na ye ya monzɛlɛ+ mpe azalaki kolandalanda baoyo balulaka ye mingi,+ mpe abosanaki ngai,’+ yango nde liloba ya Yehova. 14  “‘Yango wana, talá nazali kondimisa ye, mpe nakotinda ye na esobe,+ mpe nakoloba na ndenge ya kosimba motema na ye.+ 15  Mpe nakopesa ye bilanga na ye ya vinyo banda na ntango wana,+ mpe nakopesa ye lobwaku ya patatalu ya Akore+ lokola esika ya kokɔta na nzela ya elikya; mpe kuna, ye akoyanola mpenza lokola na mikolo ya bolenge na ye+ mpe lokola na mokolo oyo abimaki na mokili ya Ezipito.+ 16  Mpe ekosalema mpenza boye na mokolo wana,’ yango nde liloba ya Yehova: ‘okobenga ngai ete mobali na Ngai, kasi okobenga ngai lisusu te ete nkolo na Ngai.’+ 17  “‘Mpe nakolongola bankombo ya bikeko ya Baala na monɔkɔ na ye,+ mpe bakokanisa yango lisusu na nkombo na yango te.+ 18  Mpe mpo na bango, na mokolo wana, nakosala mpenza kondimana ná nyama ya zamba oyo efandaka na esobe+ mpe ekelamu oyo epumbwaka na likoló ná nyama oyo ebendanaka na libumu, nakobuka litimbo ná mopanga mpe nakosilisa etumba, mpe nakolongola yango nyonso na mokili,+ mpe nakolalisa bango na kimya.+ 19  Mpe nakolaka yo libala mpo ozala mwasi na ngai mpo na ntango oyo etyami ndelo te,+ mpe nakolaka yo libala na boyengebene mpe na bosembo mpe na motema boboto mpe na motema mawa mingi.+ 20  Mpe nakolaka yo libala mpe nakokangama na yo; mpe okoyeba mpenza Yehova.’+ 21  “‘Mpe na mokolo wana ekosalema mpenza boye: nakoyanola,’ yango nde liloba ya Yehova, ‘Nakoyanola likoló, mpe yango, ekoyanola mabele;+ 22  mpe mabele, ekoyanola mbuma,+ ná vinyo ya elɛngi ná mafuta; mpe biloko yango, ekoyanola Yizireele [‘Nzambe akolona momboto’].+ 23  Mpe nakolona ye mpenza mpo na ngai ndenge balonaka momboto na mabele,+ mpe nakoyokela ye mawa, ye oyo bayokelaki ye mawa te,+ mpe nakoloba na baoyo bazali bato na ngai te ete: “Bozali bato na ngai”;+ mpe bango, bakoloba ete: “Ozali Nzambe na ngai.”’”+

Maloba na nse