Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Hosea 12:1-14

12  “Efraime azali kolya mopɛpɛ+ mpe azali kolandalanda mopɛpɛ ya ɛsti mokolo mobimba.+ Azali se kobakisa lokuta mpe kopunza.+ Mpe basali kondimana ná Asiri,+ mpe bamemi mafuta na Ezipito.  “Mpe Yehova azali na likambo ya kosamba na Yuda,+ ɛɛ mpo na kosɛnga Yakobo azongisa monɔkɔ na ndenge oyo ekokani na banzela na ye;+ akofuta ye na ndenge oyo ekokani na misala na ye.+  Na kati ya libumu, akangaki ndeko na ye na litindi,+ mpe na makasi na ye nyonso, abundaki na Nzambe.+  Mpe akobaki kobunda na anzelu mpe nsukansuka alongaki.+ Alelaki, mpo na kosɛnga ete bámonisela ye boboto.”+ Nzambe akutaki ye na Betele,+ mpe abandaki kosolola na biso kuna.+  Mpe Yehova Nzambe ya mampinga,+ Yehova ezali nkombo oyo bakanisaka ye na yango.+  “Mpe yo osengeli kozongela Nzambe na yo,+ mpe batelá motema boboto+ mpe bosembo;+ mpe tyelá Nzambe na yo elikya ntango nyonso.+  Moto ya mombongo, bimekeli-kilo ya bokosi ezali na lobɔkɔ na ye;+ alingá kobuba mingi.+  Mpe Efraime azali ntango nyonso koloba ete: ‘Ya solo, nakómi mozwi;+ nazwi biloko ya motuya.+ Kasi na mosala makasi oyo nasali, bakozwa ngai ata na libunga moko te oyo ezali lisumu.’+  “Kasi ngai nazali Yehova Nzambe na yo banda na mokili ya Ezipito.+ Nakofandisa yo na bahema lokola na mikolo ya fɛti oyo etyamá. 10  Mpe nasololaki na basakoli,+ mpe nabakisaki bimonaneli, mpe nazalaki kopesa masese na nzela ya lobɔkɔ ya basakoli.+ 11  “Na Gileade, misala ya maji+ mpe ya lokuta+ esalami. Na Gilgale, bapesi kutu mbeka ya bangɔmbɛ ya mibali.+ Lisusu, bitumbelo na bango ezali lokola mipiko ya mabanga na banzela ya mikala na bilanga.+ 12  Mpe Yakobo akimaki na esobe ya Siri,+ mpe Yisraele+ azalaki kosala mosala mpo na kozwa mwasi,+ mpe mpo na kozwa mwasi, abatelaki bampate.+ 13  Mpe na nzela ya mosakoli moko, Yehova abimisaki Yisraele na Ezipito,+ mpe na nzela ya mosakoli moko, abatelamaki.+ 14  Efraime apesaki nkanda tii ekómi bololo,+ mpe azali kotya misala na ye ya kosopa makila na motó na ye moko,+ mpe Nkolo na ye Monene akozongisela ye nsɔni na ye.”+

Maloba na nse