Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Hosea 11:1-12

11  “Ntango Yisraele azalaki mwana mobali ya moke nalingaki ye,+ mpe nabengaki mwana na ngai alongwa na Ezipito.+  “Babengaki bango.+ Kasi bango bazalaki kokima se kokima liboso na bango.+ Bakómaki kopesa bikeko ya Baala mbeka,+ mpe babandaki kobimisela bikeko oyo eyemami milinga ya mbeka.+  Kasi ngai nalakisaki Efraime kotambola,+ nazwaki bango na mabɔkɔ na ngai;+ kasi bandimaki te ete nabikisaki bango.+  Nazalaki kobenda bango na bansinga ya moto ya mabele, na bansinga ya bolingo,+ bongo nakómaki na miso na bango lokola baoyo bazali kotombola ekanganeli na mbanga na bango,+ mpe na boboto, namemelaki mokomoko biloko ya kolya.+  Akozonga na mokili ya Ezipito te, kasi Asiri akozala mokonzi na ye,+ mpo baboyaki kozonga.+  Mpe mopanga ekobalukabaluka na bingumba na ye+ mpe ekosukisa bikangiseli na ye mpe ekolya bango+ mpo na mikano na bango.+  Mpe bato na ngai balingi se kozanga bosembo epai na ngai.+ Mpe bazali kobenga bango na likoló;* ata moto moko te azali kotɛlɛma.  “Ee Efraime,+ nasundola yo ndenge nini? Ee Yisraele, nakaba yo ndenge nini?+ Nakómisa yo lokola Adema+ ndenge nini? Natya yo lokola Zeboyime+ ndenge nini? Motema na ngai ebongwani;+ na ntango yango mpe, motema mawa na ngai engali.  Nakobimisa nkanda na ngai ya kongala te.+ Nakobebisa lisusu Efraime te,+ mpo ngai nazali Nzambe,+ nazali moto te, Mosantu epai na yo;+ mpe nakoya na nkanda te. 10  Bakotambola na nsima ya Yehova.+ Ye akoganga lokola nkɔsi;+ mpamba te akoganga,+ mpe bana bakouta na wɛsti+ na kolɛnga. 11  Bakouta na Ezipito+ na kolɛnga lokola ndɛkɛ, mpe bakouta na mokili ya Asiri+ lokola ebenga; mpe ya solo, nakofandisa bango na bandako na bango,” yango nde liloba ya Yehova.+ 12  “Efraime azingi ngai na lokuta+ mpe ndako ya Yisraele, na bokosi. Kasi Yuda azali naino kotambola elongo na Nzambe,+ mpe Oyo Aleki Bosantu azali kotyela ye motema.”

Maloba na nse

Talá Hos 7:16, msl.