Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Hosea 1:1-11

1  Liloba ya Yehova+ oyo eyelaki Hosea+ mwana ya Beeri na mikolo+ ya Uziya,+ ya Yotame,+ ya Ahaze+ mpe ya Hizikiya,+ bakonzi ya Yuda, mpe na mikolo ya Yeroboame+ mwana ya Yoashe,+ mokonzi ya Yisraele.  Ebandeli ya liloba ya Yehova na nzela ya Hosea; Yehova alobaki na Hosea boye: “Kende,+ zwá mwasi oyo akosala pite mpe bana oyo aboti na pite na ye, mpamba te mpo na pite, mokili etiki kolanda Yehova.”+  Mpe akendaki kozwa Gomere, mwana ya Diblaime, bongo azwaki zemi mpe na nsima abotelaki ye mwana mobali.+  Mpe Yehova alobaki na ye boye: “Pesá ye nkombo Yizireele,+ mpamba te etikali moke nasɛnga ndako ya Yehu+ ezongisa monɔkɔ mpo na misala ya kosopa makila ya Yizireele, mpe nakosukisa bokonzi ya ndako ya Yisraele.+  Mpe ekosalema mpenza boye na mokolo yango: nakobukabuka litimbo+ ya Yisraele na lobwaku ya patatalu ya Yizireele.”  Bongo azwaki lisusu zemi mpe abotaki mwana mwasi. Mpe Nzambe alobaki na ye boye: “Pesá ye nkombo Lo-ruhama,+ mpamba te nakoyokela lisusu ndako ya Yisraele mawa+ te, mpo nakolongola bango mpenza.+  Kasi nakoyokela ndako ya Yuda mawa,+ mpe nakobikisa bango na nzela ya Yehova Nzambe na bango;+ kasi nakobikisa bango na nzela ya litimbo te, ya mopanga te, ya etumba te, ya bampunda te, ya bato oyo batambolaka na mpunda mpe te.”+  Mpe nsukansuka, akilisaki Lo-ruhama mabɛlɛ, mpe azwaki zemi mpe abotaki mwana mobali.  Bongo Nzambe alobaki ete: “Pesá ye nkombo Lo-ami, mpamba te bino bozali bato na ngai te mpe ngai nakozala Nzambe na bino te. 10  “Mpe motángo ya bana ya Yisraele ekokóma lokola bambuma ya zɛlo ya mbu oyo ekoki komekama te to kotángama te.+ Mpe ekosalema mpenza boye: na esika oyo bazalaki koloba na bango ete: ‘Bino bozali bato na ngai te,’+ bakoloba na bango boye: ‘Bana ya Nzambe ya bomoi.’+ 11  Mpe bana ya Yuda ná bana ya Yisraele bakoyanganisama mpenza mpe bakozala na bomoko+ mpe, ya solo, bakomityela mokonzi se moko, mpe bakomata mpo bábima na mokili yango,+ mpamba te mokolo ya Yizireele ekozala monene.+

Maloba na nse