Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Ezera 7:1-28

7  Mpe nsima ya makambo wana, na boyangeli ya Artazerezese+ mokonzi ya Perse, Ezera+ mwana ya Seraya+ mwana ya Azaria mwana ya Hilikiya+  mwana ya Shalume+ mwana ya Zadoke mwana ya Ahitube+  mwana ya Amaria+ mwana ya Azaria+ mwana ya Merayote+  mwana ya Zerahia+ mwana ya Uzi+ mwana ya Buki+  mwana ya Abishua+ mwana ya Finehase+ mwana ya Eleazare+ mwana ya Arona+ nganga-nzambe mokonzi+  Ezera yango autaki na Babilone; mpe ayebaki malamu kosala bakopi+ ya mobeko ya Moize,+ oyo Yehova Nzambe ya Yisraele apesaki, bongo mokonzi apesaki ye nyonso oyo asɛngaki,+ mpo lobɔkɔ ya Yehova Nzambe na ye ezalaki elongo na ye.  Na yango bana ya Yisraele mosusu mpe banganga-nzambe+ mosusu, Balevi,+ bayembi,+ bakɛngɛli ya baporte+ ná Banetinime+ bamataki na Yerusaleme na mbula ya nsambo ya mokonzi Artazerezese.+  Nsukansuka akómaki na Yerusaleme na sanza ya mitano, elingi koloba, na mbula ya nsambo ya mokonzi.  Mpamba te na mokolo ya liboso ya sanza ya liboso, ye moko atyaki ntango ya kolongwa na Babilone, mpe na mokolo ya liboso ya sanza ya mitano akómaki na Yerusaleme, mpo lobɔkɔ malamu ya Nzambe na ye ezalaki elongo na ye.+ 10  Mpo Ezera abongisaki+ motema na ye mpo na koyekola mobeko ya Yehova,+ kosalela yango+ mpe koteya+ malako+ mpe bosembo+ na Yisraele. 11  Mpe talá maloba ya mokanda oyo Mokonzi Artazerezese apesaki nganga-nzambe Ezera mosali-bakopi,+ mosali-bakopi ya maloba ya mibeko ya Yehova mpe ya malako na ye oyo apesaki Yisraele: 12  “Artazerezese,+ mokonzi ya bakonzi,+ epai ya Ezera nganga-nzambe, mosali-bakopi ya mobeko ya Nzambe ya likoló:+ Ozala na kimya mingi.+ Mpe sikoyo 13  ngai napesi etinda+ ete, na kati ya bokonzi na ngai,+ moto nyonso na kati ya bato ya Yisraele, banganga-nzambe na bango ná Balevi, oyo alingi kokende na Yerusaleme elongo na yo, akende.+ 14  Lokola etinda ya kolukaluka+ makambo etali Yuda mpe Yerusaleme eutaki na mokonzi mpe bapesi-toli+ na ye nsambo na kolanda mobeko+ ya Nzambe+ na yo oyo ezali na lobɔkɔ na yo, 15  mpe etinda ya komema palata mpe wolo oyo mokonzi ná bapesi-toli na ye bapesi+ na bolingo epai ya Nzambe ya Yisraele, oyo esika na ye ya kofanda ezali na Yerusaleme,+ 16  ná palata nyonso mpe wolo oyo okozwa na etúká mobimba oyo eyangelami ya Babilone, ná likabo ya bato+ ná banganga-nzambe oyo bazali kopesa na bolingo na ndako ya Nzambe na bango,+ oyo ezali na Yerusaleme; 17  boye na mbongo yango, okosomba nokinoki bangɔmbɛ-mibali,+ bampate-mibali,+ bana-mpate+ ná makabo na bango ya mbuma+ ná makabo na bango ya masanga+ mpe okopesa yango na etumbelo ya ndako ya Nzambe na bino,+ oyo ezali na Yerusaleme.+ 18  “Mpe nyonso oyo yo ná bandeko na yo bomoni malamu kosala na palata mpe na wolo oyo ekotikala,+ bokosala+ yango na kolanda mokano+ ya Nzambe na bino. 19  Mpe bambɛki+ oyo bazali kopesa yo mpo na mosala ya ndako ya Nzambe na yo, tyá yango nyonso liboso ya Nzambe na Yerusaleme.+ 20  Mpe biloko mosusu ya ntina ya ndako ya Nzambe na yo, oyo yo osengeli kopesa, okozwa yango na ndako ya biloko ya motuya ya mokonzi mpe okopesa yango.+ 21  “Mpe ngai moko, mokonzi Artazerezese, napesi etinda+ na bakɛngɛli nyonso ya biloko ya motuya+ oyo bazali na ngámbo mosusu ya Ebale,+ ete eloko nyonso oyo nganga-nzambe Ezera,+ mosali-bakopi ya mobeko ya Nzambe ya likoló, akosɛnga bino, epesama nokinoki, 22  ata soki ezali talanta+ nkama moko (100) ya palata, korosi+ nkama moko ya blé, bati+ nkama moko ya vinyo,+ bati nkama moko ya mafuta,+ ná mungwa+ ndenge alingi. 23  Nyonso oyo euti na etinda+ ya Nzambe ya likoló esalema na molende+ mpo na ndako ya Nzambe ya likoló,+ mpo nkɛlɛ ekwela bokonzi ya mokonzi mpe bana na ye te.+ 24  Mpe bóyeba likambo oyo: moto nyonso na kati ya banganga-nzambe+ ná Balevi,+ babɛti-miziki,+ bakɛngɛli ya baporte,+ Banetinime+ ná basali ya ndako oyo ya Nzambe, bokosɛnga ye mpako te, lifuti+ te to eloko ya kopesa+ mpo na koleka te. 25  “Mpe yo, Ezera, na bwanya+ oyo Nzambe na yo apesi yo, tyá bamajistra ná basambisi mpo básambisaka+ ntango nyonso bato nyonso oyo bazali na ngámbo mosusu ya Ebale, ɛɛ baoyo nyonso bayebi mibeko ya Nzambe na yo; mpe bokolakisa+ yango moto nyonso oyo ayebi yango te. 26  Mpe moto nyonso oyo akotosa te mobeko ya Nzambe+ na yo mpe mobeko ya mokonzi, bákatela ye etumbu nokinoki, ezala liwa+ to kobengana,+ to lomande ya mbongo+ to bolɔkɔ.” 27  Yehova Nzambe ya bankɔkɔ+ na biso apambolama, ye oyo atye likambo ya boye na motema+ ya mokonzi, mpo na kokómisa kitoko+ ndako ya Yehova, oyo ezali na Yerusaleme! 28  Mpe amoniseli ngai motema boboto+ liboso ya mokonzi ná bapesi-toli+ na ye mpe liboso ya bankumu nyonso ya nguya ya mokonzi. Mpe ngai, ɛɛ ngai, namilendisaki mpo lobɔkɔ+ ya Yehova Nzambe na ngai ezalaki elongo na ngai, mpe nabandaki koyanganisa bankumu ya Yisraele mpo bámata elongo na ngai.

Maloba na nse