Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Ezekiele 9:1-11

9  Mpe abelelaki na mongongo makasi na matoi na ngai ete: “Bóbɛlɛmisa baoyo bazali kotya likebi na engumba, moto na moto na ebundeli na ye na lobɔkɔ na ye, mpo na kobebisa!”  Mpe talá! mibali motoba bazali kouta na ngámbo ya porte ya likoló+ oyo etali na nɔrdi, moto na moto asimbi na lobɔkɔ na ye ebundeli na ye mpo na kobukabuka; mpe kati na bango, moto moko oyo alati elamba ya lini+ azali na etyelo ya mai ya mokanda ya sɛkrɛtɛrɛ na loketo na ye, mpe bakɔtaki mpe batɛlɛmaki pene na etumbelo ya motako.+  Nde nkembo ya Nzambe ya Yisraele,+ elongwaki likoló ya bakeruba+ epai yango ezalaki, ekei na monɔkɔ ya ndako,+ mpe ye abandaki kobelela moto oyo alataki elamba ya lini,+ oyo etyelo ya mai ya mokanda ya sɛkrɛtɛrɛ ezalaki na loketo na ye.  Mpe Yehova alobaki lisusu na ye boye: “Leká na katikati ya engumba, na katikati ya Yerusaleme, mpe osengeli kotya elembo na bilongi ya bato oyo bazali kokimela mpe kolelalela+ mpo na makambo nyonso oyo eyinamá oyo ezali kosalema na kati na yango.”+  Mpe na matoi na ngai, alobaki boye na bamosusu wana: “Bóleka na engumba nsima na ye mpe bóbɛta. Liso na bino eyoka mawa te, mpe bómonisa motema mawa ata moke te.+  Mobange, elenge mobali mpe ngɔndɔ ná mwana moke mpe basi,+ bosengeli koboma mpenza—kosilisa bango nyɛɛ. Kasi, bóbɛlɛma te na moto nyonso oyo azali na elembo,+ mpe bosengeli kobanda na esika na ngai mosantu.”+ Bongo babandaki na mibange oyo bazalaki liboso ya ndako.+  Mpe alobaki na bango lisusu ete: “Bókómisa ndako mbindo mpe bótondisa mapango na bato oyo babomami.+ Bóbima!” Mpe babimaki mpe babɛtaki na kati ya engumba.  Mpe esalemaki boye: wana bazalaki kobɛta mpe natikalaki ngai moko, nakweaki na elongi na ngai+ mpe nagangaki mpe nalobaki ete: “Mawa!+ Ee Yehova Nkolo Mokonzi-Oyo-Aleki-Nyonso! Ozali kobebisa baoyo nyonso batikali na Yisraele awa ozali kosopela Yerusaleme nkɛlɛ na yo?”+  Bongo alobaki na ngai ete: “Libunga ya ndako ya Yisraele mpe ya Yuda+ ezali monene mingi, mingi mpenza,+ mpe mokili etondi na makila oyo esopami+ mpe engumba etondi na kilikili;+ mpo balobi: ‘Yehova atiki mokili oyo,+ mpe Yehova azali komona te.’+ 10  Ngai mpe, liso na ngai ekoyoka mawa te,+ nakomonisa mpe motema mawa te.+ Nakozongisa mpenza nzela na bango na mitó na bango.”+ 11  Mpe talá! moto oyo alataki elamba ya lini, oyo azalaki na etyelo ya mai ya mokanda ya sɛkrɛtɛrɛ na loketo na ye, azongisaki liloba ete: “Nasali ndenge opesaki ngai mitindo.”+

Maloba na nse