Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Ezekiele 2:1-10

2  Mpe alobaki na ngai boye: “Mwana ya moto,+ tɛlɛmá na makolo na yo mpo naloba na yo.”+  Mpe elimo ebandaki kokɔtela ngai ntango kaka alobaki na ngai,+ mpe nsukansuka etɛlɛmisaki ngai na makolo na ngai mpo nayoka Ye oyo azalaki koloba na ngai.+  Mpe alobaki na ngai lisusu boye: “Mwana ya moto, nazali kotinda yo epai ya bana ya Yisraele,+ epai ya bikólo ya batomboki oyo batombokeli ngai.+ Bango ná bankɔkɔ na bango babuki mibeko na ngai tii na mokolo ya lelo.+  Mpe bana ya elongi ya lofundo+ mpe ya motema makasi+—nazali kotinda yo epai na bango, mpe osengeli koloba na bango ete: ‘Talá oyo Yehova Nkolo Mokonzi-Oyo-Aleki-Nyonso alobi.’  Nde bango, ezala bakoyoka+ to bakoboya+—mpo bazali ndako ya batomboki+—ya solo, bakoyeba mpe ete mosakoli moko azalaki na kati na bango.+  “Mpe yo, Ee mwana ya moto, kobanga bango te;+ mpe kobanga maloba na bango te, mpo bazali bato ya matoi mangbongi+ mpe biloko oyo ezali kotuba+ yo mpe ozali kofanda nde na kati ya bankotó.+ Kobanga maloba na bango te,+ mpe koyoka bilongi na bango nsɔmɔ te,+ mpo bazali ndako ya batomboki.+  Mpe osengeli kolobela bango maloba na ngai, báyoka to báboya, mpo bazali batomboki.+  “Mpe yo, Ee mwana ya moto, yoká oyo nazali koloba na yo. Kokóma motomboki te lokola ndako ya batomboki.+ Fungolá monɔkɔ na yo mpe lyá oyo nazali kopesa yo.”+  Mpe nabandaki komona, mpe talá! lobɔkɔ moko esembolamaki epai na ngai,+ mpe talá! rulo ya mokanda+ moko ezalaki na kati. 10  Mpe abandaki kosembola yango liboso na ngai, mpe bakomá na liboso mpe na nsima na yango;+ mpe nzembo ya mawa ná kokimela mpe kolela ekomamaki na kati.+

Maloba na nse