Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Ezekiele 15:1-8

15  Mpe liloba ya Yehova ekobaki koyela ngai ete:  “Mwana ya moto, nzete ya vinyo,+ mwa etape ya sika, oyo ezali na kati ya banzete ya zamba ekeseni na nzete nyonso mosusu na nini?  Basalaka na yango mwa nzete mpo na kosala na yango mosala? To basalaka na yango pike mpo na kokakisa eloko moko boye ya mosala?  Talá! Ebwakamaka nde na mɔtɔ mpo na kopelisa yango.+ Mɔtɔ ezikisaka mpenza nsɔngɛ na yango nyonso mibale, mpe katikati na yango ekaukaka.+ Mosala nini bakoki kosala na yango?  Talá! Ntango ezali naino mobimba, basalaka na yango mosala moko te. Ekozala kutu boni, ntango mɔtɔ ezikisi yango mpe ekauki, bakokoka mpenza nde kosala na yango ata mosala moko?”+  “Na yango, talá oyo Yehova Nkolo Mokonzi-Oyo-Aleki-Nyonso alobi: ‘Kaka lokola nzete ya vinyo na kati ya banzete ya zamba, oyo napesá mpo ezala eloko ya kopelisa mɔtɔ, ndenge yango nde napesi bato oyo bafandi na Yerusaleme.+  Mpe nakotɛmɛla bango.+ Babimi na mɔtɔ, kasi mɔtɔ nde ekozikisa bango.+ Mpe bokoyeba mpenza ete nazali Yehova, ntango nakotɛmɛla bango.’”+  “‘Mpe nakokómisa mokili oyo esika oyo etikali mpamba,+ mpo bazangaki bosembo,’+ yango nde liloba ya Yehova Nkolo Mokonzi-Oyo-Aleki-Nyonso.”

Maloba na nse