Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Emoniseli 15:1-8

15  Mpe namonaki na likoló elembo+ mosusu, ya monene mpe ya kokamwa: baanzelu nsambo+ bazalaki na malɔzi nsambo.+ Wana nde malɔzi ya nsuka, mpo na nzela na yango nkanda+ ya Nzambe ekokóma na nsuka.+  Mpe namonaki eloko oyo ezalaki lokola mbu+ ya talatala oyo esangani na mɔtɔ, mpe bato oyo balongi+ nyama mabe mpe elilingi na yango+ mpe motángo+ ya nkombo na yango batɛlɛmi pene na mbu yango ya talatala,+ bazali na banzɛnzɛ+ ya Nzambe.  Mpe bazali koyemba loyembo ya Moize+ moombo ya Nzambe mpe loyembo ya Mwana-Mpate,+ balobi: “Yehova Nzambe, Mozwi-ya-Nguya-Nyonso,+ misala na yo ezali minene mpe ezali kokamwisa.+ Mokonzi ya seko,+ banzela na yo ezali boyengebene mpe solo.+  Nani akobanga mpenza yo te,+ Yehova,+ mpe akopesa nkombo na yo nkembo te,+ mpo kaka yo moko nde ozali sembo?+ Mpo bikólo nyonso bakoya kosambela liboso na yo,+ mpo boyengebene ya mibeko na yo emonani polele.”+  Mpe nsima ya makambo wana namonaki, mpe esika mosantu ya hema+ ya litatoli+ efungwamaki na likoló,+  mpe baanzelu nsambo+ oyo bazalaki na malɔzi nsambo+ babimaki na esika mosantu, balati lini+ ya pɛto, ya ngɛlingɛli mpe balati mikaba ya wolo na ntolo na bango.  Mpe moko ya bikelamu minei ya bomoi+ apesaki baanzelu nsambo wana mabakuli ya wolo oyo etondi na nkanda ya Nzambe,+ oyo azali na bomoi libela na libela.+  Mpe esika mosantu etondaki na milinga mpo na nkembo ya Nzambe+ mpe mpo na nguya na ye, mpe moto moko te akokaki kokɔta na esika mosantu tii ntango malɔzi yango nsambo+ ya baanzelu wana nsambo esukaki.

Maloba na nse