Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Ebandeli 5:1-32

5  Oyo ezali buku ya lisolo ya Adama. Na mokolo oyo Nzambe azalisaki Adama, asalaki ye azala lokola Nzambe.+  Azalisaki bango mobali ná mwasi.+ Nsima na yango apambolaki bango mpe na mokolo oyo bazalisamaki,+ apesaki bango nkombo Moto.+  Mpe Adama akómaki na mbula nkama moko na ntuku misato (130). Bongo abotaki mwana mobali oyo akokani na ye, na elilingi na ye, mpe apesaki ye nkombo Sete.+  Mpe mikolo ya Adama nsima ya kobota Sete ezalaki mbula nkama mwambe (800). Na ntango yango abotaki bana mibali mpe bana basi.+  Na bongo, mikolo nyonso oyo Adama aumelaki na bomoi ezalaki mbula nkama libwa na ntuku misato (930) mpe akufaki.+  Mpe Sete akómaki na mbula nkama moko na mitano (105). Bongo abotaki Enoshe.+  Mpe nsima ya kobota Enoshe, Sete aumelaki lisusu na bomoi mbula nkama mwambe na nsambo (807). Na ntango yango abotaki bana mibali ná bana basi.  Na bongo, mikolo nyonso ya Sete ezalaki mbula nkama libwa na zomi na mibale (912) mpe akufaki.  Mpe Enoshe akómaki na mbula ntuku libwa (90). Bongo abotaki Kenane.+ 10  Mpe nsima ya kobota Kenane, Enoshe aumelaki lisusu na bomoi mbula nkama mwambe na zomi na mitano (815). Na ntango yango abotaki bana mibali ná bana basi. 11  Na bongo, mikolo nyonso ya Enoshe ezalaki mbula nkama libwa na mitano (905) mpe akufaki. 12  Mpe Kenane akómaki na mbula ntuku nsambo (70). Bongo abotaki Mahalalele.+ 13  Mpe nsima ya kobota Mahalalele, Kenane aumelaki lisusu na bomoi mbula nkama mwambe na ntuku minei (840). Na ntango yango abotaki bana mibali mpe bana basi. 14  Na bongo, mikolo nyonso ya Kenane ezalaki mbula nkama libwa na zomi (910) mpe akufaki. 15  Mpe Mahalalele akómaki na mbula ntuku motoba na mitano (65). Bongo abotaki Yarede.+ 16  Mpe nsima ya kobota Yarede, Mahalalele aumelaki lisusu na bomoi mbula nkama mwambe na ntuku misato (830). Na ntango yango abotaki bana mibali ná bana basi. 17  Na bongo, mikolo nyonso ya Mahalalele ezalaki mbula nkama mwambe na ntuku libwa na mitano (895) mpe akufaki. 18  Mpe Yarede akómaki na mbula nkama moko na ntuku motoba na mibale (162). Bongo abotaki Enoka.+ 19  Mpe nsima ya kobota Enoka, Yarede aumelaki lisusu na bomoi mbula nkama mwambe (800). Na ntango yango abotaki bana mibali ná bana basi. 20  Na bongo, mikolo nyonso ya Yarede ezalaki mbula nkama libwa na ntuku motoba na mibale (962) mpe akufaki. 21  Mpe Enoka akómaki na mbula ntuku motoba na mitano (65). Bongo abotaki Metusela.+ 22  Mpe nsima ya kobota Metusela, Enoka atambolaki elongo na Nzambe ya solo mbula nkama misato (300). Na ntango yango abotaki bana mibali ná bana basi. 23  Na bongo, mikolo nyonso ya Enoka ezalaki mbula nkama misato na ntuku motoba na mitano (365). 24  Mpe Enoka akobaki kotambola+ elongo na Nzambe ya solo.+ Na nsima azalaki lisusu te, mpo Nzambe akamataki ye.+ 25  Mpe Metusela akómaki na mbula nkama moko na ntuku mwambe na nsambo (187). Bongo abotaki Lameke.+ 26  Mpe nsima ya kobota Lameke, Metusela aumelaki lisusu na bomoi mbula nkama nsambo na ntuku mwambe na mibale (782). Na ntango yango abotaki bana mibali ná bana basi. 27  Na bongo, mikolo nyonso ya Metusela ezalaki mbula nkama libwa na ntuku motoba na libwa (969) mpe akufaki. 28  Mpe Lameke akómaki na mbula nkama moko na ntuku mwambe na mibale (182). Bongo abotaki mwana mobali. 29  Mpe apesaki ye nkombo Noa,+ mpe alobaki ete: “Ye akobɔndisa biso na mosala na biso mpe na mpasi ya mabɔkɔ na biso oyo euti na mabele oyo Yehova alakeli mabe.”+ 30  Mpe nsima ya kobota Noa, Lameke aumelaki lisusu na bomoi mbula nkama mitano na ntuku libwa na mitano (595). Na ntango yango abotaki bana mibali ná bana basi. 31  Na bongo, mikolo nyonso ya Lameke ezalaki mbula nkama nsambo na ntuku nsambo na nsambo (777) mpe akufaki. 32  Mpe Noa akómaki na mbula nkama mitano (500). Nsima na yango, Noa abotaki Seme,+ Kame+ mpe Yafete.+

Maloba na nse