Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Ebandeli 45:1-28

45  Na yango, Yozefe akokaki lisusu te kokanga motema liboso ya baoyo nyonso batɛlɛmaki pene na ye.+ Bongo agangaki ete: “Bóbimisa bato nyonso liboso na ngai!” Mpe moto mosusu te atɛlɛmaki elongo na Yozefe ntango azalaki komiyebisa epai ya bandeko na ye.+  Mpe abandaki kolela na mongongo makasi,+ bongo Baezipito bayokaki yango mpe ndako ya Farao eyokaki yango.  Nsukansuka Yozefe alobaki na bandeko na ye ete: “Ngai nazali Yozefe. Tata na ngai azali naino na bomoi?” Kasi bandeko na ye bakokaki koyanola ye ata moke te, mpamba te babulunganaki na ntina na ye.+  Bongo Yozefe alobaki na bandeko na ye ete: “Nabondeli bino, bópusana pene na ngai.” Na yango, bapusanaki pene na ye. Bongo alobaki ete: “Ngai nazali Yozefe ndeko na bino, oyo botɛkaki na Ezipito.+  Kasi sikoyo bóyoka mpasi na motema te+ mpe bóyoka nkanda te na ndenge botɛkaki ngai awa; mpamba te ezali mpo na kobatela bomoi nde Nzambe atindaki ngai liboso na bino.+  Mpo oyo ezali mbula ya mibale ya nzala na mabele,+ mpe mbula mitano mosusu ezali naino oyo kobalola mabele mpe kobuka mbuma ekozala te.+  Yango wana Nzambe atindaki ngai liboso na bino mpo na kosala ete bózala na batikali+ na mabele mpe kobatela bino na bomoi, mpe kobikisa bino na ndenge moko ya kokamwa.  Na bongo, ezali bino te nde botindaki ngai awa,+ kasi ezali Nzambe ya solo, mpo atya ngai tata+ ya Farao mpe nkolo ya ndako na ye mobimba mpe moto oyo azali koyangela mokili mobimba ya Ezipito.  “Bómata nokinoki epai ya tata na ngai, mpe bosengeli koyebisa ye ete: ‘Talá oyo mwana na yo Yozefe alobi: “Nzambe atye ngai nkolo ya Ezipito mobimba.+ Kitá epai na ngai. Koumela te. 10  Mpe osengeli kofanda na mokili ya Goshene,+ mpe osengeli kozala pene na ngai, yo ná bana na yo mpe bana ya bana na yo mpe bitonga na yo ya bampate mpe bitonga na yo ya bangɔmbɛ mpe eloko nyonso oyo ozali na yango. 11  Mpe ngai nakopesa yo bilei kuna, mpo mbula mitano mosusu ya nzala ezali naino;+ noki yo ná ndako na yo mpe eloko nyonso oyo ozali na yango bókóma babola.”’ 12  Mpe miso na bino moko mpe miso ya ndeko na ngai Benyamina ezali komona ete ngai nde nazali koloba na bino na monɔkɔ na ngai.+ 13  Bongo bosengeli koyebisa tata na ngai lokumu na ngai nyonso na Ezipito mpe likambo nyonso oyo bomoni; mpe bosengeli kosala nokinoki mpo bókita na tata na ngai awa.” 14  Bongo akweaki na nkingo ya Benyamina ndeko na ye mpe abandaki kolela, mpe Benyamina alelaki na nkingo na ye.+ 15  Mpe apwɛpwaki bandeko na ye nyonso mpe alelaki na nkingo na bango,+ mpe nsima na yango, bandeko na ye basololaki na ye. 16  Mpe nsango eyokanaki na ndako ya Farao ete: “Bandeko ya Yozefe bayei!” Mpe likambo yango emonanaki malamu na miso ya Farao mpe basaleli na ye.+ 17  Na yango, Farao alobaki na Yozefe ete: “Lobá na bandeko na yo ete: ‘Bósala boye: Bótya biloko na bino likoló ya banyama na bino oyo ememaka mikumba mpe bókende na mokili ya Kanana,+ 18  mpe bókamata tata na bino mpe bato ya ndako na bino mpe bóya awa epai na ngai, mpo napesa bino biloko ya malamu ya mokili ya Ezipito; mpe bólya eteni ya malamu mpenza ya mokili oyo.+ 19  Mpe yo moko pesá bango mitindo ete:+ “Bósala boye: Bózwa bapusu+ na mokili ya Ezipito mpo na bana na bino ya mike mpe basi na bino, mpe bosengeli komatisa tata na bino na moko na yango mpe bóya awa.+ 20  Mpe bótika te ete miso na bino eyokela biloko na bino mawa,+ mpamba te biloko ya malamu ya mokili nyonso ya Ezipito ezali ya bino.”’”+ 21  Na nsima, bana ya Yisraele basalaki bongo, mpe Yozefe apesaki bango bapusu na kolandáká mitindo ya Farao mpe apesaki bango bilei ya kolya+ na nzela. 22  Apesaki moto na moto bilamba mosusu ya kolata,+ kasi apesaki Benyamina shekele ya palata nkama misato (300) mpe bilamba mosusu mitano ya kolata.+ 23  Mpe atindelaki tata na ye biloko oyo: mpunda mitano oyo ememaki biloko ya malamu ya Ezipito mpe mpunda-basi zomi oyo ememaki mbuma ya kosala farini ná mampa ná biloko oyo tata na ye akolya na nzela. 24  Bongo atikaki bandeko na ye, mpe bango bakendaki. Kasi, alobaki na bango ete: “Bóyokisana nkanda na nzela te.”+ 25  Mpe balongwaki na Ezipito bamati mpe nsukansuka bakómaki na mokili ya Kanana epai ya Yakobo tata na bango. 26  Bongo bapesaki ye nsango ete: “Yozefe azali naino na bomoi, mpe ye nde azali koyangela mokili mobimba ya Ezipito!”+ Kasi likambo yango ekɔtaki ye na motema te, mpamba te andimaki bango te.+ 27  Ntango bakobaki koyebisa ye maloba nyonso ya Yozefe oyo alobelaki bango mpe ntango amonaki bapusu oyo Yozefe atindaki mpo na komema ye, elimo ya Yakobo tata na bango ezwaki lisusu makasi.+ 28  Bongo Yisraele agangaki ete: “Ekoki! Yozefe mwana na ngai azali naino na bomoi! Aa, nakende komona ye liboso nakufa!”+

Maloba na nse