Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Ebandeli 22:1-24

22  Bongo nsima ya makambo wana, esalemaki boye: Nzambe ya solo amekaki+ Abrahama. Bongo alobaki na ye ete: “Abrahama!” mpe ye alobaki ete: “Ngai oyo!”+  Mpe alobaki lisusu ete: “Nabondeli yo, kamatá Yisaka,+ mwana na yo, mwana na yo kaka moko oyo olingaka mingi,+ mpe salá mobembo tii na mokili ya Moria+ mpe kuna pesá ye lokola likabo ya kotumba likoló na moko ya bangomba oyo nakolakisa yo.”+  Bongo Abrahama alamukaki ntɔngɔntɔngɔ mpe akangisaki kiti ya mpunda na ye mpe akamataki basaleli mibale kati na basaleli na ye elongo na ye mpe Yisaka mwana na ye;+ mpe apasolaki nkoni mpo na likabo ya kotumba. Bongo atɛlɛmaki mpe asalaki mobembo tii na esika oyo Nzambe ya solo alakisaki ye.  Na mokolo ya misato nde Abrahama atombolaki miso na ye mpe abandaki komona esika yango na mosika.  Sikoyo Abrahama alobaki na basaleli na ye+ ete: “Bino bótikala awa ná mpunda, kasi ngai ná mwana tozali kokende kuna kosambela+ mpe tokozongela bino.”  Nsima na yango, Abrahama akamataki nkoni ya likabo ya kotumba mpe amemisaki yango Yisaka mwana na ye+ mpe akamataki mɔtɔ ná mbeli ya koboma nyama na mabɔkɔ na ye, mpe bango mibale bakendaki elongo.+  Mpe Yisaka abandaki koloba na Abrahama tata na ye ete: “Tata!”+ Mpe ye alobaki ete: “Ngai oyo, mwana na ngai!”+ Bongo alobaki lisusu ete: “Mɔtɔ ná nkoni yango oyo, kasi wapi mpate mpo na likabo ya kotumba?”+  Na yango, Abrahama alobaki ete: “Mwana na ngai, Nzambe ye moko akopesa mpate mpo na likabo ya kotumba.”+ Mpe bango mibale bakobaki kotambola elongo.  Nsukansuka bakómaki na esika oyo Nzambe ya solo alakisaki ye, mpe Abrahama atongaki etumbelo+ kuna mpe abongisaki nkoni mpe akangaki mwana na ye Yisaka mabɔkɔ ná makolo mpe atyaki ye na etumbelo likoló ya nkoni.+ 10  Bongo Abrahama asembolaki lobɔkɔ na ye mpe azwaki mbeli ya koboma nyama mpo na koboma mwana na ye.+ 11  Kasi anzelu ya Yehova abandaki kobenga ye uta na likoló ete:+ “Abrahama, Abrahama!” mpe ye ayanolaki ete: “Ngai oyo!” 12  Mpe alobaki lisusu ete: “Kosembola lobɔkɔ na yo epai ya mwana te mpe kosala ye ata eloko moko te,+ mpo sikoyo nayebi ete obangaka Nzambe na ndenge oboyeli ngai mwana na yo te, mwana na yo kaka moko.”+ 13  Na yango, Abrahama atombolaki miso na ye mpe amonaki mpe talá, na mwa mosika kuna, ezalaki na mpate-mobali moko oyo maseke na yango ekangamaki na mwa banzete. Bongo Abrahama akendaki kozwa mpate-mobali yango mpe apesaki yango likabo ya kotumba na esika ya mwana na ye.+ 14  Mpe Abrahama apesaki esika yango nkombo Yehova-yire. Yango wana bato bamesani koloba lelo ete: “Na ngomba ya Yehova ekopesama.”+ 15  Mpe anzelu ya Yehova abengaki Abrahama mpo na mbala ya mibale uta na likoló 16  ete: “‘Na nkombo na ngai moko nalapi ndai,’ yango nde liloba ya Yehova,+ ‘ete lokola osali likambo oyo mpe oboyi kopesa mwana na yo te, mwana na yo kaka moko,+ 17  nakopambola yo solo mpe nakokómisa solo momboto na yo mingi lokola minzoto ya likoló mpe lokola bambuma ya zɛlo oyo ezali pembenipembeni ya mbu;+ mpe momboto na yo akozwa porte* ya banguna na ye.+ 18  Mpe na nzela ya momboto na yo,+ bikólo nyonso ya mabele ekomizwela mpenza lipamboli, mpo oyoki mongongo na ngai.’”+ 19  Nsima na yango, Abrahama azongelaki basaleli na ye, mpe batɛlɛmaki mpe basimbaki nzela elongo mpo na kokende na Beere-sheba;+ mpe Abrahama akobaki kofanda na Beere-sheba. 20  Bongo esalemaki boye: nsima ya makambo wana, nsango ekómelaki Abrahama ete: “Talá Milika+ ye mpe aboteli ndeko na yo Nahore+ bana mibali: 21  Uze mwana na ye ya liboso ná Buze+ ndeko na ye ná Kemuele tata ya Arame, 22  ná Kesede ná Hazo ná Pilidashe ná Yidilafe mpe Betuele.”+ 23  Mpe Betuele abotaki Rebeka.+ Bango mwambe nde Milika abotelaki Nahore ndeko ya Abrahama. 24  Ezalaki mpe na makango na ye, oyo azalaki na nkombo Reuma. Na nsima, ye mpe abotaki Teba ná Gahame ná Tahashe mpe Maaka.+

Maloba na nse

Elingi koloba, ya engumba.