Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Ebandeli 11:1-32

11  Bongo mabele mobimba ezalaki na monɔkɔ kaka moko mpe maloba kaka ndenge moko.  Mpe esalemaki boye: ntango bazalaki kosala mobembo epai ya ɛsti, nsukansuka bamonaki lobwaku moko ya patatalu na mokili ya Shinare,+ mpe babandaki kofanda wana.  Mpe babandaki kolobana ete: “Yaká! Tósala babriki mpe tótumba yango na mɔtɔ.” Boye mabanga na bango nde briki, kasi pɔtɔpɔtɔ na bango nde gudrɔ.+  Bongo balobaki ete: “Yaká! Tómitongela engumba mpe lisusu ndako molai oyo nsɔngɛ na yango ekei tii na likoló,+ mpe tómisalela nkombo ya lokumu,+ noki tópalangana na mabele mobimba.”+  Mpe Yehova akitaki mpo na kotala engumba mpe ndako molai oyo bana ya bato batongaki.+  Nsima na yango, Yehova alobaki ete: “Talá! Bazali kaka ekólo moko mpe bango nyonso bazali monɔkɔ kaka moko,+ mpe talá oyo babandi kosala. Sikoyo, ezali na eloko moko te oyo bakokanisa kosala, oyo bakokokisa te.+  Sikoyo yaká! Tókita+ kuna mpe tóbulunganisa+ monɔkɔ na bango mpo ete moko te akoka koyoka monɔkɔ ya mosusu.”+  Bongo Yehova apalanganisaki bango uta na esika yango tii na mabele mobimba,+ mpe nsukansuka batikaki kotonga engumba yango.+  Yango wana babengaki yango nkombo Babele,+ mpamba te kuna Yehova abulunganisaki monɔkɔ ya mabele mobimba, mpe Yehova apalanganisaki+ bango longwa na esika wana tii na mabele mobimba. 10  Oyo ezali lisolo ya Seme.+ Seme azalaki na mbula nkama moko (100) ntango abotaki Arpakashade,+ mbula mibale nsima ya mpela. 11  Mpe nsima ya kobota Arpakashade, Seme aumelaki lisusu na bomoi mbula nkama mitano (500). Na ntango yango abotaki bana mibali mpe bana basi.+ 12  Mpe Arpakashade akómaki na mbula ntuku misato na mitano (35). Bongo abotaki Shela.+ 13  Mpe nsima ya kobota Shela, Arpakashade aumelaki lisusu na bomoi mbula nkama minei na misato (403). Na ntango yango abotaki bana mibali mpe bana basi. 14  Mpe Shela akómaki na mbula ntuku misato (30). Bongo abotaki Ebere.+ 15  Mpe nsima ya kobota Ebere, Shela aumelaki lisusu na bomoi mbula nkama minei na misato (403). Na ntango yango abotaki bana mibali mpe bana basi. 16  Mpe Ebere akómaki na mbula ntuku misato na minei (34). Bongo abotaki Pelege.+ 17  Mpe nsima ya kobota Pelege, Ebere aumelaki lisusu na bomoi mbula nkama minei na ntuku misato (430). Na ntango yango abotaki bana mibali mpe bana basi. 18  Mpe Pelege akómaki na mbula ntuku misato (30). Bongo abotaki Reu.+ 19  Mpe nsima ya kobota Reu, Pelege aumelaki lisusu na bomoi mbula nkama mibale na libwa (209). Na ntango yango abotaki bana mibali mpe bana basi. 20  Mpe Reu akómaki na mbula ntuku misato na mibale (32). Bongo abotaki Seruge.+ 21  Mpe nsima ya kobota Seruge, Reu aumelaki lisusu na bomoi mbula nkama mibale na nsambo (207). Na ntango yango abotaki bana mibali mpe bana basi. 22  Mpe Seruge akómaki na mbula ntuku misato (30). Bongo abotaki Nahore.+ 23  Mpe nsima ya kobota Nahore, Seruge aumelaki lisusu na bomoi mbula nkama mibale (200). Na ntango yango abotaki bana mibali mpe bana basi. 24  Mpe Nahore akómaki na mbula ntuku mibale na libwa (29). Bongo abotaki Tera.+ 25  Mpe nsima ya kobota Tera, Nahore aumelaki lisusu na bomoi mbula nkama moko na zomi na libwa (119). Na ntango yango abotaki bana mibali mpe bana basi. 26  Mpe Tera akómaki na mbula ntuku nsambo (70), nsima na yango abotaki Abrama,+ Nahore+ mpe Harane. 27  Mpe oyo ezali lisolo ya Tera. Tera abotaki Abrama, Nahore mpe Harane; mpe Harane abotaki Lota.+ 28  Na nsima, Harane akufaki ntango azalaki naino elongo na tata na ye Tera na mokili oyo ye abotamaki, na Ure+ ya Bakaladea.+ 29  Mpe Abrama ná Nahore bazwaki basi. Nkombo ya mwasi ya Abrama Sarai,+ nzokande nkombo ya mwasi ya Nahore Milika,+ mwana ya Harane, tata ya Milika mpe tata ya Yiska. 30  Kasi Sarai azalaki kaka ekomba:+ azalaki na mwana te. 31  Nsima na yango, Tera akamataki Abrama mwana na ye mpe Lota, mwana ya Harane, mwana ya mwana na ye,+ mpe Sarai+ mwasi ya mwana na ye, mwasi ya Abrama mwana na ye, mpe balongwaki elongo na ye na Ure ya Bakaladea bakei na mokili ya Kanana.+ Na nsima, bakómaki na Harane+ mpe bafandaki wana. 32  Mpe mikolo ya Tera ezalaki mbula nkama mibale na mitano (205). Bongo akufaki na Harane.

Maloba na nse