Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Bileli 5:1-22

5  Kanisá, Ee Yehova, makambo oyo ekómeli biso.+ Talá mpe moná nsɔni na biso.+   Libula na biso epesami na mabɔkɔ ya bapaya, bandako na biso na mabɔkɔ ya bato ya mboka mosusu.+   Tokómi bitike, tozangi tata.+ Bamama na biso bazali lokola basi oyo mibali bakufá.+   Tokómi kopesa mbongo mpo na komɛla mai na biso moko.+ Tokómi kopesa mbongo mpo na kozwa nkoni na biso moko.   Balandi biso, bakómaki mpenza pene ya kokanga nkingo na biso.+ Tolɛmbi. Batikeli biso ntango ya kopema te.+   Topesi lobɔkɔ+ na Ezipito;+ na Asiri,+ mpo tótonda na limpa.   Bankɔkɔ na biso nde basalaki masumu.+ Bazali lisusu te. Kasi biso, tokómi komema mabunga na bango.+   Basaleli mpamba bayangeli biso.+ Moto ya kolongola biso na lobɔkɔ na bango azali te.+   Tozali kotya molimo na biso na likama mpo na koya na limpa na biso,+ mpo na mopanga ya esobe. 10  Loposo na biso ekómi mɔtɔ lokola litumbu, mpo na mpasi ya nzala.+ 11  Basambwisi basi na Siona,+ bangɔndɔ na bingumba ya Yuda. 12  Bankumu bakakisami na lobɔkɔ na bango kaka moko.+ Ata bilongi ya mibange, bapesi yango lokumu te.+ 13  Bilenge mibali batomboli enikelo ya mabɔkɔ,+ bana mibali babɛti libaku na nse ya nkoni.+ 14  Mibange batiki kofanda na porte,+ bilenge mibali batiki kobɛta bibɛtɛlo na bango ya miziki.+ 15  Nsai ya motema na biso esilaki. Kobina na biso ebongwanaki mawa.+ 16  Motole ya motó na biso ekwei.+ Mawa na biso sikoyo, mpo tosali lisumu!+ 17  Mpo na yango, motema na biso ekómi na maladi.+ Mpo na makambo yango, miso na biso ekómi molili,+ 18  Mpo na ngomba ya Siona oyo etikali mpamba;+ bagambala etamboli kuna.+ 19  Nde yo, Ee Yehova, okofanda mpo na seko.+ Kiti na yo ya bokonzi ezali mpo na libota na libota.+ 20  Mpo na nini obosani biso libela,+ otiki biso mikolo ebele boye?+ 21  Zongisá biso+ epai na yo, Ee Yehova, mpe tokozonga noki. Yelá biso mikolo ya sika lokola na ntango ya kala.+ 22  Kasi obwaki biso mpenza.+ Osilikeli biso mingi mpenza.+

Maloba na nse