Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Bileli 4:1-22

א [ʼAʹleph] 4  Ee talá ndenge wolo oyo ya kongɛnga ebebi, wolo ya malamu!+Ee talá ndenge mabanga mosantu+ esopani na ebandeli ya babalabala nyonso!+ ב [Bet]   Kasi bana ya Siona oyo bazalaki na motuya,+ oyo bakokanaki na wolo oyo epɛtolami,Ee talá ndenge batalelami lokola bilokó minene ya mabele, mosala ya mabɔkɔ ya moyemi-mbɛki!+ ג [Gimel]   Ata bambulú epesi mabɛlɛ. Emɛlisi bana na yango mabɛlɛ.Mwana mwasi ya bato na ngai akómi na motema makasi,+ lokola bamaligbanga na esobe.+ ד [Dalet]   Lolemo ya mwana oyo azali komɛla mabɛlɛ ekangami na edáda mpo na mposa ya mai.+Bana basɛngi limpa.+ Moto moko te azali kopesa bango yango.+ ה [Heʼ]   Bato oyo bazalaki kolya biloko ya kitoko bakamwe nde kokamwa na babalabala.+Bato oyo bazalaki kobɔkɔlama na bilamba ya motane makasi+ bakómi koyamba mabondo ya putulu ya mɔtɔ.+ ו [Waw]   Mpe etumbu mpo na libunga ya mwana mwasi ya bato na ngai ekómi monene koleka etumbu mpo na lisumu ya Sodoma,+Oyo ekweisamaki kaka boye, na mbala moko, mpe oyo ata lobɔkɔ moko te ebalukaki mpo na kosunga yango.+ ז [Zayin]   Banaziri+ na ye bazalaki pɛto koleka nɛjɛ;+ bazalaki mpɛmbɛ koleka miliki.Ɛɛ, bazalaki loposo ngola-ngola+ koleka mabanga kitoko ya korai; kongɛnga na bango ezalaki lokola libanga ya safire.+ ח [Het]   Elongi na bango ekómi moindo koleka moindo yango moko. Bato bayebaki bango lisusu te na babalabala.+Loposo na bango ekauki likoló ya mikuwa na bango.+ Ekauki lokola nzete. ט [Tet]   Baoyo babomami na mopanga+ bazali malamu koleka baoyo babomami na nzala,+Mpamba te balɛmbi, batɔbɔlami mpo bazangi mbuma ya esobe. י [Yod] 10  Mabɔkɔ ya basi oyo bazalaka na motema mawa elambi bana na bango moko.+Bakómi lokola limpa ya kobɔndisa mpo na bato na ntango ya kokwea ya mwana mwasi ya bato na ngai.+ כ [Kaf] 11  Yehova akokisi nkɛlɛ na ye.+ Asopi nkanda na ye ya kongala.+Mpe azali kopelisa mɔtɔ na Siona, oyo ezali kozikisa miboko na yango.+ ל [Lamed] 12  Bakonzi ya mabele mpe bato nyonso oyo bafandi na mabele oyo ebotaka bandimaki te+Ete motɛmɛli ná monguna bakokɔta na baporte ya Yerusaleme.+ מ [Mem] 13  Mpo na masumu ya basakoli na ye mpe mabunga ya banganga-nzambe na ye,+Bato mosusu kati na ye basopaki makila ya bayengebene.+ נ [Nun] 14  Bayengiyengi na babalabala+ lokola bato oyo bakufá miso.+ Bakómi mbindo na makila,+Bongo moto moko te akoki kosimba bilamba na bango.+ ס [Samek] 15  Babelelaki bango ete: “Bólongwa! Mbindo!+ Bólongwa! Bólongwa! Bósimba te!”+Mpo bazangi esika ya kofanda.+ Mpe bayengiyengi.+ Bato balobi kati na bikólo ete: “Bakofanda bapaya lisusu te.+ פ [Peʼ] 16  Elongi ya Yehova ekaboli bango.+ Akotala bango lisusu te.+Ya solo, bato bakopesa ata banganga-nzambe lokumu te.+ Ya solo, bakomonisela ata mibange boboto te.”+ ע [ʽAyin] 17  Wana tozali naino na bomoi, miso na biso ezali se kolɛmba mpamba mpo na kozela lisungi na biso.+Ntango tozalaki kotalatala, totalelaki ekólo oyo ekoki koya na lobiko te.+ צ [Tsade] 18  Baluki kokanga matambe na biso+ bongo tozali kotambola te na bisika na biso minene ya bato nyonso.Nsuka na biso ebɛlɛmi. Mikolo na biso ekoki, mpo nsuka na biso ekómi.+ ק [Kof] 19  Bato oyo bazalaki kolanda biso bazalaki na mbangu koleka bampongo ya likoló.+Balandi biso makasi likoló ya bangomba.+ Babatami mpo na kozela biso na esobe.+ ר [Resh] 20  Mpema ya zolo na biso,+ moto ya Yehova oyo atyami mafuta,+ bakangi ye na libulu na bango monene,+Ye oyo tolobaki mpo na ye ete: “Na nse ya elili na ye+ nde tokobika kati na bikólo.”+ ש [Sin] 21  Zalá na nsai mpe sepelá,+ Ee mwana mwasi ya Edome,+ yo oyo ozali kofanda na mokili ya Uze.+Epai na yo mpe kɔpɔ ekoleka.+ Okolangwa mpe okolakisa bolumbu na yo.+ ת [Taw] 22  Libunga na yo, Ee mwana mwasi ya Siona, ekómi na nsuka na yango.+ Akokende na yo na mboka mopaya lisusu te.+ Atye likebi na ye na libunga na yo, Ee mwana mwasi ya Edome. Abimisi masumu na yo polele.+

Maloba na nse