Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Basambisi 12:1-15

12  Na nsima, mibali ya Efraime babengamaki mpe bakatisaki na nɔrdi mpe balobaki na Yefeta boye: “Mpo na nini okatisaki mpo na kobunda na bana ya Amone, kasi obengisaki biso te tókende na yo?+ Tokotumba ndako na yo na mɔtɔ, ná yo na kati.”+  Kasi Yefeta alobaki na bango ete: “Nazalaki, ngai ná bato na ngai, na matata monene mpenza ná bana ya Amone.+ Mpe nabengaki bino bósalisa ngai, kasi bobikisaki ngai na lobɔkɔ na bango te.  Ntango namonaki ete obikisi ngai te, nazwaki mokano ya kotya molimo na ngai na likama+ mpe kokende kobunda na bana ya Amone.+ Mpe Yehova apesaki bango na lobɔkɔ na ngai. Bongo mpo na nini bino boyeli ngai lelo mpo na kobunda na ngai?”  Na mbala moko, Yefeta ayanganisaki mibali nyonso ya Gileade+ mpe abundisaki Efraime; mpe mibali ya Gileade babomaki Efraime, mpo bango balobaki ete: “Bozali bato oyo bakimá Efraime, Ee Gileade, na kati ya Efraime, na kati ya Manase.”  Bongo Gileade azwaki bisika bakatisaka Yordani na makolo,+ liboso ya Efraime; mpe esalemaki boye: ntango mibali ya Efraime oyo bazalaki kokima bazalaki koloba: “Bólekisa ngai nakatisa,” mibali ya Gileade bazalaki kotuna mokomoko boye: “Ozali Moefraime?” Soki alobi ete: “Te!”  bango bazalaki koloba na ye boye: “Lobá naino Shibolete.”+ Kasi ye azalaki koloba: “Sibolete,” mpo azalaki kokoka te koloba liloba yango malamu. Mpe bazalaki kokanga ye mpe koboma ye na bisika bakatisaka Yordani na makolo. Bongo na ntango yango, mibali nkóto ntuku minei na mibale (42 000) ya Efraime bakufaki.+  Mpe Yefeta akobaki kosambisa Yisraele mbula motoba; nsima na yango, Yefeta Mogileade akufaki mpe akundamaki na engumba na ye, na Gileade.  Mpe nsima na ye, Ibezane moto ya Beteleme+ abandaki kosambisa Yisraele.+  Mpe abotaki bana mibali ntuku misato (30) mpe bana basi ntuku misato. Atindaki bato libándá* mpe bayaki na bana basi ntuku misato oyo bauti libándá mpo na bana na ye ya mibali. Mpe akobaki kosambisa Yisraele mbula nsambo. 10  Na nsima, Ibezane akufaki mpe akundamaki na Beteleme. 11  Mpe nsima na ye, Elone Mozebulone+ abandaki kosambisa Yisraele. Mpe akobaki kosambisa Yisraele mbula zomi. 12  Na nsima, Elone Mozebulone akufaki mpe akundamaki na Aiyalone, na mokili ya Zebulone. 13  Nsima na ye, Abadone mwana ya Hilele Mopiratone+ abandaki kosambisa Yisraele. 14  Mpe abotaki bana mibali ntuku minei (40) mpe azalaki na bana mibali ntuku misato (30) ya bana na ye, oyo bazalaki kotambola na bampunda ntuku nsambo (70) oyo ekɔmɛli.+ Mpe akobaki kosambisa Yisraele mbula mwambe. 15  Na nsima, Abadone mwana ya Hilele Mopiratone akufaki mpe akundamaki na Piratone, na kati ya mokili ya Efraime, na ngomba ya Moamaleke.+

Maloba na nse

“Libándá,” elingi koloba, na mabota to bituluka mosusu.