Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Basambisi 10:1-18

10  Bongo nsima ya Abimeleke, Tola mwana ya Pua, mwana ya Dodo, mobali moko ya Isakare, atɛlɛmaki mpo na kobikisa+ Yisraele, mpe azalaki kofanda na Shamire, na etúká ya ngombangomba ya Efraime.+  Mpe akobaki kosambisa Yisraele mbula ntuku mibale na misato (23), mpe nsima na yango, akufaki mpe akundamaki na Shamire.  Mpe na nsima na ye, Yaire Mogileade+ atɛlɛmaki, mpe akobaki kosambisa Yisraele mbula ntuku mibale na mibale (22).  Mpe abotaki bana mibali ntuku misato (30) oyo bazalaki kotambola na bampunda ntuku misato oyo ekɔmɛli,+ mpe bazalaki na bingumba ntuku misato. Babengaka bingumba yango Havote-yaire+ tii na mokolo ya lelo; ezali na mokili ya Gileade.  Nsima na yango, Yaire akufaki mpe akundamaki na Kamone.  Mpe bana ya Yisraele bakómaki lisusu kosala oyo ezali mabe na miso ya Yehova,+ mpe babandaki kosalela Babaala+ mpe bikeko ya Ashitorete,+ banzambe ya Siri,+ banzambe ya Sidone,+ banzambe ya Moabe,+ banzambe ya bana ya Amone+ ná banzambe ya Bafilistia.+ Bongo batikaki Yehova mpe basalelaki ye te.+  Na yango, nkanda ya Yehova epelelaki Yisraele,+ mpe atɛkaki+ bango na lobɔkɔ ya Bafilistia+ mpe na lobɔkɔ ya bana ya Amone.+  Bongo babukabukaki bana ya Yisraele mpe banyokolaki bango makasi na mbula wana—mbula zomi na mwambe, bana nyonso ya Yisraele oyo bazalaki na ngámbo ya Yordani, na mokili ya Baamore oyo ezalaki na Gileade.  Mpe bana ya Amone bazalaki kokatisa Yordani mpo na kobundisa ata Yuda mpe Benyamina mpe ndako ya Efraime; mpe Yisraele emonaki bwale mpenza.+ 10  Bongo bana ya Yisraele babandaki kobelela Yehova mpo na kosɛnga lisalisi+ ete: “Tosaleli yo lisumu,+ mpamba te totiki Nzambe na biso mpe tozali kosalela Babaala.”+ 11  Bongo, Yehova alobaki na bana ya Yisraele boye: “Ntango Ezipito,+ Baamore,+ bana ya Amone,+ Bafilistia,+ 12  Basidone,+ Amaleke+ ná Midiane,+ bazalaki konyokola bino+ mpe bozalaki kobelela ngai, nde nabandaki kobikisa bino na lobɔkɔ na bango, boye te? 13  Kasi bino, bosundolaki ngai+ mpe bokómaki kosalela banzambe mosusu.+ Yango wana, nakobikisa bino lisusu te.+ 14  Bókende kobelela banzambe+ oyo boponá+ básalisa bino. Bango nde bábikisa bino na ntango ya mpasi na bino.” 15  Kasi bana ya Yisraele balobaki na Yehova boye: “Tosali lisumu.+ Yo moko salá biso oyo nyonso omoni malamu.+ Kasi nde bikisá biso lelo, tobondeli yo.”+ 16  Mpe babandaki kolongola banzambe ya bapaya na kati na bango+ mpe kosalela Yehova;+ bongo molimo na ye+ ekokaki lisusu te kokanga motema mpo na mpasi ya Yisraele.+ 17  Na nsima, bana ya Amone+ babengamaki mpe batyaki kaa na Gileade.+ Bongo bana ya Yisraele bayanganaki mpe batyaki kaa na Mizipa.+ 18  Mpe bato ya Gileade mpe bankumu babandaki koloba bango na bango: “Nani akokamba biso na etumba mpo na kobunda na bana ya Amone?+ Akóma mokonzi ya bato nyonso oyo bafandi na Gileade.”+

Maloba na nse