Lakisá makambo oyo ezali na kati

Kende na mitó ya makambo

Batatoli ya Yehova

Poná monɔkɔ Lingala

Baroma 13:1-14

13  Tiká molimo nyonso eyokelaka+ bakonzi oyo bazali liboso,+ mpo bokonzi+ ekoki kozala te soki Nzambe atikeli yango nzela te;+ bokonzi na bango ezali na ndelo+ oyo etyami na Nzambe.+  Yango wana, moto oyo azali kotɛmɛla bokonzi atɛmɛli ebongiseli ya Nzambe; baoyo batɛmɛli yango bakosambisama.+  Mpo bato oyo babangaka baoyo bazali koyangela ezali te baoyo basalaka malamu, kasi nde baoyo basalaka mabe.+ Bongo, yo olingi obangaka bokonzi te? Kobá kosala malamu,+ mpe ekokumisa yo;  mpo yango ezali mosaleli ya Nzambe epai na yo mpo na bolamu na yo.+ Kasi soki ozali kosala oyo ezali mabe,+ bangá: mpo ememaka mopanga mpamba te; mpo yango ezali mosaleli ya Nzambe, ezali kozongisa mabe+ mpo na kokweisela moto oyo asalaka oyo ezali mabe nkanda.  Yango wana, bosengeli mpenza koyokela bango, kaka mpo na nkanda wana te kasi lisusu mpo na lisosoli na bino.+  Yango wana bozali mpe kofuta mpako; mpo bazali basaleli ya Nzambe mpo na bolamu ya bato nyonso,+ bazali kosala ntango nyonso mpo na ntina wana mpenza.  Bózongisela bango nyonso oyo esengeli na bango: oyo asɛngi mpako, mpako;+ oyo asɛngi lifuti, lifuti; oyo asɛngi bábanga ye, bóbanga ye;+ oyo asɛngi lokumu, lokumu.+  Bózala na nyongo ya moto te,+ longola kaka nyongo ya kolingana;+ mpo moto oyo azali kolinga moninga na ye akokisi mobeko.+  Mpo mokanda ya mibeko—“Osengeli kosala ekobo te,+ Osengeli koboma moto te,+ Osengeli koyiba te,+ Osengeli kolula eloko ya moto te,”+ mpe mobeko mosusu nyonso—etángami na mokuse na liloba oyo: “Osengeli kolinga mozalani na yo lokola yo moko.”+ 10  Bolingo+ esalaka moto mabe te;+ yango wana, bolingo ezali nde kokokisama ya mibeko.+ 11  Bósalaka bongo mpe mpo boyebi eleko oyo: ngonga na bino ya kolamuka+ na mpɔngi ekoki, mpo sikoyo lobiko na biso ekómi pene mpenza koleka ntango oyo tokómaki bandimi.+ 12  Butu epusani mpenza; ntɔngɔ+ ekómi pene. Yango wana, tólongola misala ya molili+ mpe tólata bibundeli+ ya pole. 13  Lokola na moi, tótambola na bizaleli ya malamu:+ na bafɛti ya lokoso te mpe na milangwa+ te, na misala mabe ya kosangisa nzoto te mpe na etamboli ya nsɔni+ te, na koswana+ te mpe na zuwa te. 14  Kasi bólata nde Nkolo Yesu Kristo,+ mpe bósalaka myango te mpo na bamposa ya nzoto.+

Maloba na nse