Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Bagalatia 1:1-24

1  Paulo,+ ntoma,+ atyami na bato te mpe na nzela ya moto te, kasi na nzela ya Yesu Kristo+ mpe ya Nzambe Tata,+ oyo alamwisaki ye uta na bakufi,+  mpe bandeko nyonso oyo bazali na ngai,+ epai ya masangá ya Galatia:+  Boboto monene mpe kimya+ ya Nzambe Tata na biso mpe ya Nkolo Yesu Kristo ezala na bino.  Ye amikabaki mpo na masumu na biso+ mpo asikola biso na makambo mabe ya ntango oyo+ na boyokani na mokano+ ya Nzambe na biso mpe Tata,  ye azala na nkembo libela na libela.+ Amen.  Nazali kokamwa ndenge bozali kolongwa nokinoki mpenza epai ya Moto+ oyo abengaki bino na boboto monene ya Kristo+ mpe bozali kolanda nsango malamu ya ndenge mosusu.+  Kasi ezali nsango malamu mosusu te; ezali nde na bato mosusu oyo bazali kotya bino na mobulu+ mpe bazali koluka kobebisa nsango malamu ya Kristo.+  Nzokande, ata soki moko na biso to anzelu moko boye, oyo auti na likoló, ayei kosakwela bino nsango malamu ya likambo moko boye oyo ekeseni na nsango malamu oyo tosakwelaki bino, alakelama mabe.+  Lokola touti koloba yango, ngai mpe nalobi yango lisusu sikoyo ete: Moto nyonso oyo azali kosakwela bino nsango malamu ya likambo moko boye oyo ekeseni na oyo boyambaki,+ alakelama mabe. 10  Bongo sikoyo, nazali koluka kondimisa nde bato to Nzambe? To nazali nde koluka kosepelisa bato?+ Soki nazali naino kosepelisa bato,+ nazali moombo ya Kristo te.+ 11  Mpo nazali koyebisa bino, bandeko, ete nsango malamu oyo nasakolaki ezali eloko ya bato te;+ 12  mpo nazwaki yango na moto te, moto moko mpe ateyaki ngai yango te, kasi Yesu Kristo nde amonisaki ngai yango.+ 13  Ya solo, boyokaki nsango ya etamboli na ngai ya kala na lingomba ya Bayuda,+ ete nazalaki konyokola+ lisangá ya Nzambe mpe kopanza yango mingi koleka,+ 14  mpe nazalaki kokende liboso mpenza na kati ya lingomba ya Bayuda koleka bato mingi ya mbula na ngai na ekólo na ngai,+ mpo nazalaki na molende+ mingi mpenza mpo na bonkɔkɔ+ ya batata na ngai. 15  Kasi ntango Nzambe, oyo abimisaki ngai na libumu ya mama na ngai mpe oyo abengaki+ ngai na boboto monene na ye,+ amonaki malamu 16  komonisa Mwana na ye na nzela na ngai,+ mpo nasakwela bikólo+ nsango malamu na ye, nakendaki mbala moko kosolola na nzoto ná makila+ te. 17  Namataki mpe te na Yerusaleme epai ya baoyo bazalaki bantoma liboso na ngai,+ kasi nakendaki nde na Arabia, mpe nazongaki lisusu na Damasi.+ 18  Mpe mbula misato na nsima namataki na Yerusaleme+ kotala Kefa,+ mpe nafandaki na ye mikolo zomi na mitano. 19  Kasi namonaki bantoma mosusu te, namonaki kaka Yakobo+ ndeko+ ya Nkolo. 20  Nzokande na makambo oyo nazali kokomela bino, talá! na miso ya Nzambe, nazali kokosa te.+ 21  Nsima na yango nakendaki+ na bitúká ya Siri mpe ya Silisia. 22  Kasi masangá ya Yudea oyo ezali na bomoko na Kristo+ eyebaki elongi na ngai te; 23  ezalaki kaka koyoka ete: “Moto oyo azalaki kala konyokola+ biso azali sikoyo kosakola nsango malamu ya kondima oyo ye azalaki liboso kopanzapanza.”+ 24  Bongo babandaki kokumisa+ Nzambe mpo na ngai.

Maloba na nse