Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Baebre 1:1-14

1  Nzambe, oyo na ntango ya kalakala, azalaki koloba na bankɔkɔ na biso na nzela ya basakoli+ mbala na mbala+ mpe na ndenge mingi,  na nsuka ya mikolo oyo,+ alobi na biso na nzela ya Mwana moko,+ oyo ye atye mozwi-ya-libula ya biloko nyonso,+ mpe na nzela na ye asalaki+ biloko nyonso oyo ezali na molɔ́ngɔ́ mobimba.*  Mwana yango azali mpenza komonisa nkembo+ ya Nzambe mpe azali elilingi na Ye mpenza,+ mpe azali kosimba biloko nyonso na liloba ya nguya na ye,+ mpe nsima ya kopɛtola masumu+ na biso afandaki na lobɔkɔ ya mobali+ ya Bokonzi Monene kuna na likoló.+  Yango wana, aleki baanzelu,+ mpo azwi libula ya nkombo+ moko malamu koleka oyo ya bango.  Na ndakisa na kati ya baanzelu, alobá na nani ete: “Yo ozali mwana na ngai; lelo ngai nakómi tata na yo”?+ Mpe lisusu: “Ngai nakokóma tata na ye, mpe ye akokóma mwana na ngai”?+  Kasi na ntango azali kotinda lisusu Mwana na ye ya liboso+ na mabele oyo bato bafandi, azali koloba ete: “Mpe baanzelu+ nyonso ya Nzambe bágumbamela ye.”+  Lisusu, azali kolobela baanzelu ete: “Mpe azali kosala baanzelu na ye bilimo, mpe basaleli na ye mpo na bolamu ya bato nyonso lolemo ya mɔtɔ.”+  Kasi alobeli Mwana yango ete: “Nzambe azali kiti na yo ya bokonzi libela na libela,+ mpe lingenda ya bokonzi+ na yo ezali lingenda ya bosembo.+  Olingaki boyengebene, mpe oyinaki makambo ya kobuka mibeko. Yango wana Nzambe, Nzambe na yo, atye yo mafuta+ ya esengo koleka baninga na yo.”+ 10  Mpe alobi ete: “Ee Nkolo, na ebandeli, otyaki miboko ya mabele, mpe likoló ezali misala ya mabɔkɔ na yo.+ 11  Yango mpenza ekobeba, kasi yo okotikala seko; mpe yango ekonzuluka lokola elamba,+ 12  mpe okolínga yango lokola kazaka,+ lokola elamba; mpe yango ekobongwana, kasi yo ozali kaka ndenge ozalaka, mpe bambula na yo ekosila te.”+ 13  Kasi na kati ya baanzelu, alobá na nani ete: “Fandá na lobɔkɔ na ngai ya mobali, tii nakotya banguna na yo lokola ebonga ya makolo na yo”?+ 14  Bango nyonso bazali te bilimo+ oyo bazali kosala mosala mpo na bolamu ya bato nyonso,+ batindami mpo na kosalela bato oyo bakozwa libula+ ya lobiko?

Maloba na nse

To, “ndenge makambo ebongisamá na molɔ́ngɔ́,” na Grɛki, aionas.