Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Amose 9:1-15

9  Namonaki Yehova atɛlɛmi likoló ya etumbelo,+ mpe alobaki ete: “Bɛtá motó ya likonzí, bongo bisika ya kokɔta na ndako ekoningana. Mpe katá yango na motó, yango nyonso.+ Mpe nakoboma ndambo na bango ya nsuka na mopanga. Mokimi moko te kati na bango akolonga kokima, mpe mobiki moko te kati na bango akolonga kobika.+  Soki batimoli mpo na kokɔta na Nkunda,* kuna lobɔkɔ na ngai moko ekozwa bango;+ mpe soki bamati tii na likoló, kuna nakokitisa bango na nse.+  Mpe soki bamibombi na nsɔngɛ ya Karamele, kuna nakoluka bango malamumalamu mpe nakozwa bango solo.+ Mpe soki bamibombi liboso ya miso na ngai na nse ya mbu,+ kuna na nse nakopesa nyoka mitindo, mpe ekoswa bango mpenza.  Mpe soki bamemami na mboka ya bokangami liboso ya banguna na bango, kuna nakopesa mopanga mitindo, mpe ekoboma bango;+ mpe nakotyela bango miso mpo na mabe, kasi mpo na malamu te.+  Mpe Nkolo Mokonzi-Oyo-Aleki-Nyonso, Yehova ya mampinga, Ye nde azali kosimba mokili, bongo ezali konyangwa;+ mpe ekosengela ete bato nyonso oyo bafandi na kati na yango bálela;+ mpe ekomata mpenza lokola Nile, yango mobimba, mpe ekokita na nse lokola Nile ya Ezipito.+  “‘Ye oyo azali kotonga baeskalye na ye na likoló,+ mpe ndako na ye oyo atongá likoló ya mabele oyo ye atyaki moboko;+ ye oyo azali kobenga mai ya mbu,+ mpo akoka kosopa yango na etando ya mabele+—Yehova nde nkombo na ye.’+  “‘Ee bana ya Yisraele, na miso na ngai bozali lokola bana ya Bakushi te?’ yango nde liloba ya Yehova. ‘Ngai nabimisaki te Yisraele na mokili ya Ezipito+ mpe Bafilistia+ na Krɛtɛ, mpe Siri na Kire?’+  “‘Talá! Miso ya Yehova Nkolo Mokonzi-Oyo-Aleki-Nyonso ezali likoló ya bokonzi ya masumu,+ mpe akolimwisa yango na mabele.+ Ata bongo, nakolimwisa ndako mobimba ya Yakobo te,’+ yango nde liloba ya Yehova.  ‘Mpo talá! nazali kopesa mitindo, mpe nakoningisa ndako ya Yisraele na kati ya bikólo nyonso,+ kaka ndenge baningisaka kiyungulu, bongo libanga ata moko te ekokwea na mabele. 10  Bakokufa na mopanga—basumuki nyonso na kati ya bato na ngai,+ baoyo bazali koloba ete: “Mpasi ekobɛlɛma te to ekokóma epai na biso te.”’+ 11  “‘Na mokolo yango nakotɛlɛmisa+ mwa ndako ya matiti+ ya Davidi oyo ekweá,+ mpe nakobongisa madusu na yango. Mpe nakotɛlɛmisa bitika na yango, mpe nakotonga yango ndenge ezalaki na mikolo ya kala,+ 12  mpo bázwa eloko oyo etikali na Edome,+ mpe bikólo nyonso oyo ebengami na nkombo na ngai,’+ yango nde liloba ya Yehova, ye oyo azali kosala bongo. 13  “‘Talá! Mikolo ezali koya,’ yango nde liloba ya Yehova, ‘mpe motimoli-mabele akokutana na mobuki-mbuma,+ mpe monyati-mbuma ya vinyo akokutana na momemi-mboto;+ mpe bangomba ekotangisa vinyo ya elɛngi,+ mpe bangomba mike nyonso ekonyangwa.+ 14  Mpe nakozongisa bato na ngai, Yisraele, oyo bakangamaki,+ mpe bakotonga bingumba oyo etikalaki mpamba mpe bakofanda na kati na yango,+ mpe bakolona banzete ya vinyo mpe bakomɛla vinyo na yango, mpe bakosala bilanga mpe bakolya mbuma na yango.’+ 15  “‘Mpe nakolona bango na mabele na bango, mpe bakopikolama lisusu te na mabele na bango oyo napesaki bango,’+ Yehova Nzambe na yo alobi bongo.”

Maloba na nse

To, “Sheole.” Talá Ap 4.