Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Amose 8:1-14

8  Talá oyo Yehova Nkolo Mokonzi-Oyo-Aleki-Nyonso amonisaki ngai, mpe, talá! kitunga moko ya mbuma ya eleko ya molunge.+  Bongo alobaki ete: “Amose, ozali komona nini?”+ Na yango, nalobaki ete: “Kitunga moko ya mbuma ya eleko ya molunge.”+ Mpe Yehova alobaki na ngai lisusu ete: “Nsuka ekómeli bato na ngai, Yisraele.+ Nakokoba kolimbisa bango lisusu te.+  ‘Mpe nzembo ya tempelo ekokóma nde kolela makasi na mokolo yango’+ yango nde liloba ya Yehova Nkolo Mokonzi-Oyo-Aleki-Nyonso. ‘Bibembe ekozala mingi.+ Bakobwaka yango na bisika nyonso—shiii!’  “Bóyoka likambo oyo, bino baoyo bozali koswa mobola,+ ɛɛ, mpo na kosilisa bato ya komikitisa oyo bazali na mabele,+  wana bozali koloba ete: ‘Ekosengela ntango boni mpo ete sanza ya sika eleka+ mpe tókoka kotɛka mbuma ya kosala farini?+ Ndenge moko mpe mpo na sabata,+ mpo tókoka kotɛka mbuma; mpo na kosala ete efa ezala moke+ mpe shekele ezala monene mpe mpo na kokosa na bimekeli-kilo ya bokosi;+  mpo na kosomba bato bazangá kaka mpo na palata mpe mobola kaka mpo na ntalo ya sandale, mpe mpo tókoka kotɛka mpumbulu mpamba ya mbuma?’+  “Yehova alapi ndai na Bonene ya Yakobo+ ete: ‘Nakobosana misala na bango nyonso ata moke te.+  Ezali mpo na yango nde mokili ekoningana,+ mpe ekosengela ete bato nyonso oyo bafandi na kati na yango bálela;+ mpe yango mobimba ekomata mpenza lokola Nile mpe ekotombwatombwana mpe ekokita na nse lokola Nile ya Ezipito, boye te?’+  “‘Mpe ekosalema boye na mokolo yango,’ yango nde liloba ya Yehova Nkolo Mokonzi-Oyo-Aleki-Nyonso, ‘nakolalisa moi na ntango ya midi,+ mpe nakoyeisa molili na mokili, wana moi ezali kongɛnga. 10  Mpe nakobongola bafɛti na bino ekóma kolela+ mpe nzembo nyonso na bino ekóma loyembo ya mawa, mpe nakomatisa ngɔtɔ na loketo nyonso mpe libandi na motó nyonso;+ mpe nakosala ete makambo yango ezala lokola kolela oyo balelaka mwana mobali kaka moko,+ mpe nsuka na yango lokola mokolo moko ya bololo.’ 11  “‘Talá! Mikolo ezali koya,’ yango nde liloba ya Yehova Nkolo Mokonzi-Oyo-Aleki-Nyonso, ‘mpe nakotinda nzala kati na mokili, nzala ya mampa te, mpe nakotinda mposa, mposa ya mai te, kasi nde ya koyoka maloba ya Yehova.+ 12  Mpe bakokende na kotengatenga longwa na mbu tii na mbu, mpe longwa na nɔrdi tii epai moi ebimaka. Bakokoba kotambola epai na epai mpo na koluka liloba ya Yehova, kasi bakozwa yango te.+ 13  Na mokolo yango bangɔndɔ kitoko bakosila makasi, bilenge mibali mpe lokola, mpo na mposa ya mai;+ 14  baoyo bazali kolapa ndai na ngambo ya Samaria,+ mpe baoyo bazali mpenza koloba ete: “Lokola nzambe na yo azali solo na bomoi, Ee Dani!”+ mpe, “Lokola nzela ya Beere-sheba+ ezali solo na bomoi!” Ya solo mpenza, bango bakokwea, mpe bakotɛlɛma lisusu te.’”+

Maloba na nse