Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Amose 4:1-13

4  “Bóyoka liloba oyo, bino bangɔmbɛ-basi ya Bashane,+ oyo bozali na ngomba ya Samaria,+ oyo bozali kobuba bato bazangá,+ oyo bozali konyata babola, oyo bozali koloba na bankolo na bango ete: ‘Yaká na yango, mpe tiká tómɛla!’  Yehova Nkolo Mokonzi-Oyo-Aleki-Nyonso alapi ndai na bosantu na ye+ ete: ‘“Talá! Mikolo ekoyela bino, mpe akotombola bino mpenza na bibende ya kroshɛ oyo bakakisaka misuni mpe akotombola eteni na bino oyo etikali na bandɔbɔ.+  Mpe bokobima na madusu,+ mokomoko liboso na ye mbala moko; mpe bokobwakama na Haramone,” yango nde liloba ya Yehova.’  “‘Bóya na Betele mpe bóbuka mibeko.+ Bókoba kaka kobuka mibeko na Gilgale,+ mpe bóya na bambeka na bino na ntɔngɔ; bóya na moko ya bandambo zomi ya biloko na bino na mokolo ya misato.+  Mpe na eloko oyo etyami levire, bósala ete mbeka ya kozongisa matɔndi ebimisa milinga,+ mpe bósakola makabo ya bolingo;+ bóyebisa yango, mpo ezali ndenge wana nde bino bolingá, Ee bana ya Yisraele,’+ yango nde liloba ya Yehova Nkolo Mokonzi-Oyo-Aleki-Nyonso.  “‘Mpe ngai lisusu, ɛɛ ngai, napesaki bino bopɛto ya mino+ na bingumba na bino nyonso mpe bosɛnga ya limpa na bisika na bino nyonso;+ kasi bozongelaki ngai te,’+ yango nde liloba ya Yehova.  “‘Mpe ngai, naboyaki mpe kopesa bino mbula ya makasi wana etikalaki kaka sanza misato mpo na kokóma na eleko ya kobuka mbuma;+ mpe nanɔkisaki mbula na engumba moko, kasi na engumba mosusu nanɔkisaki yango te. Mbula ezalaki konɔka na eteni moko ya mabele, kasi eteni oyo nazalaki konɔkisa mbula te ezalaki kokauka.+  Mpe bingumba mibale to misato ezalaki kokende na kotengatenga na engumba moko mpo na komɛla mai,+ mpe bazalaki kotonda te; kasi bozongelaki ngai te,’+ yango nde liloba ya Yehova.  “‘Natindelaki bilanga na bino maladi ya kokaukisa milona mpe koguga.+ Bilanga na bino mpe banzete na bino ya vinyo ekómaki mingi, kasi banzete na bino ya figi mpe banzete na bino ya olive, mbinzo ezalaki kolya yango;+ nzokande bozongelaki ngai te,’+ yango nde liloba ya Yehova. 10  “‘Natindaki na kati na bino maladi mabe ndenge moko na oyo ya Ezipito.+ Nabomaki bilenge mibali na bino na mopanga,+ mpe bampunda na bino ekangamaki.+ Mpe namatisaki nsolo mabe ya bakaa na bino tii na zolo na bino;+ kasi bozongelaki ngai te,’+ yango nde liloba ya Yehova. 11  “‘Nayeisaki libebi kati na bino, lokola libebi oyo Nzambe ayeisaki na Sodoma mpe Gomora.+ Mpe bokómaki lokola lokoni oyo elongolami na mɔtɔ;+ kasi bozongelaki ngai te,’+ yango nde liloba ya Yehova. 12  “Na bongo, Ee Yisraele, yango nde nakosala epai na yo. Ee Yisraele, lokola nakosala likambo wana mpenza epai na yo, omilɛngɛla mpo na kokutana na Nzambe na yo.+ 13  Mpo talá! Mosali ya bangomba+ mpe Mozalisi ya mopɛpɛ,+ mpe Ye oyo ayebisaka moto ya mabele nini ezali na makanisi na ye,+ Ye oyo asalaka ete kotana ya ntɔngɔ ekóma molili,+ mpe Ye oyo atambolaka na bisika oyo etombwaná ya mabele,+ Yehova Nzambe ya mampinga nde nkombo na ye.”+

Maloba na nse