Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Amose 3:1-15

3  “Bóyoka liloba oyo Yehova alobi mpo na bino,+ Ee bana ya Yisraele, mpo na libota mobimba oyo nabimisaki na mokili ya Ezipito,+ ete:  ‘Nayebaki kaka bino+ na kati na mabota nyonso ya mabele.+ Yango wana nakosɛnga bino bózongisa monɔkɔ mpo na mabunga na bino nyonso.+  “‘Bato mibale bakotambola nde elongo soki bayokani te?+  Nkɔsi ekoganga nde na zamba soki ezwi nyama ya kolya te?+ Mwana-nkɔsi oyo nkingo etondi na nsuki ekobimisa nde mongongo na yango uta na esika na yango ya kobombama soki ekangi eloko te?  Ndɛkɛ ekokwea nde na motambo na nse soki motambo ezali te mpo na yango?+ Motambo ekotombwana uta na mabele soki ekangi ata eloko te?  Soki liseke eyulami na engumba, bato mpe balɛngaka, boye te?+ Soki likama ebimi na engumba, ezali mpe Yehova nde asali mosala, boye te?  Mpo Yehova Nkolo Mokonzi-Oyo-Aleki-Nyonso akosala eloko moko te kozanga ete amonisa likambo na ye ya nkuku epai ya basaleli na ye basakoli.+  Nkɔsi egangi!+ Nani akobanga te? Yehova Nkolo Mokonzi-Oyo-Aleki-Nyonso ye moko alobi! Nani akosakola te?’+  “‘Bóyebisa yango na bandako milai ya kofanda na Ashedode mpe na bandako milai ya kofanda na mokili ya Ezipito,+ mpe bóloba ete: “Bósangana esika moko mpo na kobundisa bangomba ya Samaria,+ mpe bótala makambo mingi ya mobulu oyo ezali na kati na yango mpe makambo ya kobuba oyo ezali na kati na yango.+ 10  Mpe bayebaki te kosala oyo ezali alima,”+ yango nde liloba ya Yehova, “baoyo bazali konduka mobulu+ mpe kopunza na kati ya bandako milai na bango ya kofanda.”’ 11  “Yango wana, talá oyo Yehova Nkolo Mokonzi-Oyo-Aleki-Nyonso alobi: ‘Monguna moko azali mpenza zingazinga na mokili,+ mpe akokitisa yo makasi na yo, mpe bandako milai na yo ya kofanda ekopunzama mpenza.’+ 12  “Talá oyo Yehova alobi: ‘Se ndenge mobateli ya mpate abɔtɔlaka makolo mibale to eteni ya litoi na monɔkɔ ya nkɔsi,+ bobele bongo bana ya Yisraele bakobɔtɔlama, baoyo bafandi na Samaria na mbeto kitoko+ mpe na elalelo ya Damasi.’+ 13  “‘Bóyoka mpe bópesa litatoli+ na ndako ya Yakobo,’ yango nde liloba ya Yehova Nkolo Mokonzi-Oyo-Aleki-Nyonso, Nzambe ya mampinga. 14  ‘Mpo, na mokolo oyo nakosɛnga bázongisa monɔkɔ+ mpo na botomboki ya Yisraele oyo atombokelaki ye, nakosɛnga mpe bázongisa monɔkɔ mpo na bitumbelo ya Betele;+ mpe maseke ya etumbelo ekolongolama mpenza mpe ekokwea na mabele.+ 15  Mpe nakokweisa ndako ya eleko ya mpiɔ+ mpe ndako ya eleko ya molunge.’+ “‘Mpe bandako ya mpɛmbɛ ya nzoku ekobeba mpenza,+ mpe bandako mingi ekolimwa mpenza,’+ yango nde liloba ya Yehova.”

Maloba na nse