Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Amose 1:1-15

1  Maloba ya Amose, oyo azalaki na kati ya babɔkɔli-mpate na Tekoa,+ maloba oyo amonaki na emonaneli mpo na Yisraele+ na mikolo ya Uzia+ mokonzi ya Yuda mpe na mikolo ya Yeroboame+ mwana ya Yoashe,+ mokonzi ya Yisraele, mbula mibale liboso ya koningana ya mabele.+  Mpe alobaki ete: “Yehova—akoganga uta na Siona,+ mpe akoyokisa mongongo na ye uta na Yerusaleme;+ mpe bisika oyo babateli ya mpate baleisaka banyama matiti ekolela, mpe nsɔngɛ ya Karamele ekokauka.”+  “Talá oyo Yehova alobi: ‘“Mpo na botomboki misato ya Damasi,+ mpe mpo na minei, nakozongisa yango nsima te, mpo na ndenge batutatutá Gileade+ na bitutelo ya ebende.  Mpe nakotinda mɔtɔ+ na ndako ya Hazaele,+ mpe ekozikisa mpenza bandako milai ya kofanda ya Bene-hadade.+  Mpe nakobuka ekangiseli ya Damasi+ mpe nakoboma moto oyo afandi na Bikate-avene, mpe moto oyo asimbi lingenda ya bokonzi na Bete-edene; mpe ekosengela ete bato ya Siri bákende na Kire+ lokola bato oyo bamemami na mboka mopaya,” Yehova alobi bongo.’  “Talá oyo Yehova alobi: ‘“Mpo na botomboki misato ya Gaza,+ mpe mpo na minei, nakozongisa yango nsima te, mpo na ndenge bamemá na mboka mopaya etuluku mobimba ya bato oyo bamemami na mboka mopaya+ mpo na kopesa bango na lobɔkɔ ya Edome.+  Mpe nakotinda mɔtɔ na efelo ya Gaza,+ mpe ekozikisa mpenza bandako milai na yango ya kofanda.  Mpe nakoboma moto oyo afandi na Ashedode,+ mpe moto oyo asimbi lingenda ya bokonzi na Ashekelone;+ mpe nakobalola lobɔkɔ na ngai+ na Ekrone,+ mpe Bafilistia oyo batikali bakokufa mpenza,”+ Yehova Nkolo Mokonzi-Oyo-Aleki-Nyonso alobi bongo.’  “Talá oyo Yehova alobi: ‘Mpo na botomboki misato ya Tire,+ mpe mpo na minei, nakozongisa yango nsima te, mpo na ndenge bapesá na lobɔkɔ ya Edome etuluku mobimba ya bato oyo bamemami na mboka mopaya, mpe mpo bakanisaki te kondimana ya bandeko.+ 10  Mpe nakotinda mɔtɔ na efelo ya Tire, mpe ekozikisa mpenza bandako milai na yango ya kofanda.’+ 11  “Talá oyo Yehova alobi: ‘Mpo na botomboki misato ya Edome,+ mpe mpo na minei, nakozongisa yango nsima te, mpo na ndenge alandá ndeko na ye mpenza na mopanga,+ mpe mpo abebisá bizaleli na ye ya koyokela mawa,+ mpe nkanda na ye ezali se kopasola mpo na libela; mpe nkɛlɛ na ye—abatelá yango mpo na seko.+ 12  Mpe nakotinda mɔtɔ na Temane,+ mpe ekozikisa mpenza bandako milai ya kofanda ya Bozera.’+ 13  “Talá oyo Yehova alobi: ‘“Mpo na botomboki misato ya bana ya Amone,+ mpe mpo na minei, nakozongisa yango nsima te,+ mpo na ndenge bapasolá mabumu ya basi ya zemi ya Gileade, mpo na koyeisa teritware na bango monene.+ 14  Mpe nakotya mɔtɔ na efelo ya Raba,+ mpe ekozikisa mpenza bandako milai na yango ya kofanda, na elembo ya kokebisa na mokolo ya etumba, na mopɛpɛ makasi na mokolo ya ekumbaki.+ 15  Mpe mokonzi na bango akomemama mpenza na mboka mopaya, ye ná bankumu na ye elongo,”+ Yehova alobi bongo.’

Maloba na nse