Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

3 Yoane 1:1-14

1  Mokóló+ epai ya Gayusi, ndeko ya bolingo, oyo nalingaka mpenza.+  Ndeko ya bolingo,+ nazali kobondela ete ozala malamu+ na makambo nyonso mpe ozala na nzoto kolɔngɔnɔ,+ ndenge molimo na yo mpe ezali malamu.+  Mpo nasepelaki mingi mpenza ntango bandeko bayaki mpe batatolaki mpo na solo oyo ozali na yango, ndenge ozali kokoba kotambola na kati ya solo.+  Nazali na ntina mosusu ya botɔndi te koleka makambo oyo: nayokaka ete bana na ngai bazali kokoba kotambola na kati ya solo.+  Ndeko ya bolingo, ozali kosala mosala moko ya sembo na nyonso oyo ozali kosala mpo na bandeko,+ atako bazali bapaya,+  oyo batatoli mpo na bolingo na yo liboso ya lisangá. Ekozala malamu osala ete bango bákende na ndenge oyo ebongi na Nzambe.+  Mpo babimi nde na nkombo na ye, bazwi eloko te+ epai ya bato ya bikólo.  Na yango, tosengeli koyamba bato ya ndenge wana malamu,+ mpo tókóma baninga ya mosala na kati ya solo.+  Nakomelaki lisangá mwa likambo, kasi Diotrefese, oyo alingaka kozwa esika ya liboso+ na kati na bango, azali koyamba na limemya ata eloko moko te+ oyo euti epai na biso.+ 10  Yango wana, soki nayei, nakokundola misala na ye oyo azali kokoba kosala,+ ndenge azali kolobaloba mabe mpo na biso.+ Lisusu, asuki kaka na makambo wana te, ye moko ayambaka bandeko+ na limemya te, mpe baoyo balingi koyamba+ bango, alukaka kopekisa+ bango mpe kobwaka bango libándá+ ya lisangá. 11  Ndeko ya bolingo, zalá momekoli, ya makambo ya mabe te, kasi ya oyo ezali malamu.+ Moto oyo asalaka malamu auti na Nzambe.+ Moto oyo asalaka mabe amoná Nzambe te.+ 12  Bango nyonso bapesi litatoli mpo na Demetriusi,+ ezala mpe solo yango moko. Ɛɛ, biso mpe tozali kopesa litatoli,+ mpe oyebi ete litatoli oyo biso tozali kopesa ezali solo.+ 13  Nazalaki na makambo mingi ya kokomela yo, kasi nalingi te kokoba kokomela yo na mai ya mokanda mpe na ekomeli.+ 14  Kasi nazali kolikya komona yo noki, mpe tokosolola mpenza boye na miso.+ Kimya ezala na yo.+ Baninga batindeli yo mbote.+ Pesá baninga mbote+ moto na moto na nkombo na ye.

Maloba na nse