Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

2 Yoane 1:1-13

1  Mokóló+ epai ya mwasi oyo aponami+ mpe epai ya bana na ye, oyo nalingaka solo mpenza,+ kaka ngai moko te, kasi mpe baoyo nyonso bayebi solo,+  mpo na solo oyo efandi na kati na biso,+ mpe ekozala na biso libela na libela.+  Boboto monene+ ekozala elongo na biso, ná motema mawa ná kimya ya Nzambe Tata+ mpe ya Yesu Kristo Mwana ya Tata, elongo na solo mpe na bolingo.+  Nazali kosepela mingi mpenza, mpamba te namoni bana+ na yo mosusu bazali kotambola na kati ya solo,+ kaka ndenge tozwaki mobeko na Tata.+  Bongo sikoyo, mwasi, nazali kosɛnga yo, lokola moto oyo azali kokomela yo mobeko ya sika te,+ kasi oyo tozwaki banda na ebandeli:+ tólinganaka.+  Mpe talá oyo bolingo elakisi:+ tókoba kotambola ndenge mibeko na ye esɛngi.+ Talá mobeko yango, ndenge kaka boyokaki banda na ebandeli: bókoba kotambola na kati na yango.+  Mpo ebele ya bakosi babimi na kati ya mokili,+ bato oyo bazali kosakola te ete Yesu Kristo ayaki na nzoto ya mosuni.+ Wana nde mokosi+ mpe motɛmɛli ya Kristo.+  Bókeba na bino moko, mpo bóbungisa te mbuma ya mosala tosalaki, kasi mpo bózwa mbano mobimba.+  Moto nyonso oyo akei mosika+ mpe atikali te+ na kati ya liteya ya Kristo azali na Nzambe te.+ Moto oyo azali koumela na kati ya liteya yango, ye nde azali na Tata mpe na Mwana.+ 10  Soki moto ayei epai na bino mpe amemi liteya oyo te, bóyamba ye na bandako na bino soki moke te+ to bópesa ye mbote te.+ 11  Mpo moto oyo apesi ye mbote, asangani na misala na ye ya mabe.+ 12  Atako nazali na makambo mingi ya kokomela bino, nalingi te kokoma yango na lokasa mpe na mai ya mokanda,+ kasi nazali nde kolikya koya epai na bino mpe kosolola na bino mpenza boye na miso,+ mpo esengo+ na bino etonda mɛkɛ.+ 13  Bana ya ndeko na yo, mwasi oyo aponami, batindeli yo mbote.+

Maloba na nse