Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

2 Samwele 9:1-13

9  Mpe Davidi alobaki boye: “Moto moko atikali na ndako ya Saulo mpo namonisela ye motema boboto+ mpo na Yonatane?”+  Nzokande ndako ya Saulo ezalaki na mosaleli moko, nkombo na ye Ziba.+ Bongo babengaki ye aya epai ya Davidi, mpe mokonzi alobaki na ye: “Yo nde Ziba?” mpe ye alobaki ete: “Nazali mosaleli na yo.”  Mpe mokonzi alobaki lisusu ete: “Ezali lisusu na moto moko te ya ndako ya Saulo mpo namonisela ye motema boboto ya Nzambe?”+ Na yango, Ziba alobaki na mokonzi boye: “Ezali naino na mwana mobali moko ya Yonatane oyo azali motɛngumi.”+  Bongo mokonzi alobaki na ye ete: “Azali wapi?” Mpe Ziba alobaki na mokonzi ete: “Talá! Azali na ndako ya Makire+ mwana ya Amiele, na Lo-debare.”+  Na mbala moko, Mokonzi Davidi atindaki bato bázwa ye na ndako ya Makire mwana ya Amiele, na Lo-debare.  Ntango Mefiboshete mwana ya Yonatane mwana ya Saulo akɔtaki epai ya Davidi, na mbala moko, akweaki elongi na nse mpe afukamaki.+ Na nsima, Davidi alobaki: “Mefiboshete!” Bongo ye alobaki ete: “Mosaleli na yo, ye oyo.”  Mpe Davidi alobaki na ye lisusu boye: “Kobanga te, mpo nakozanga te komonisela yo motema boboto+ mpo na tata na yo Yonatane;+ mpe nasengeli kozongisela yo bilanga nyonso+ ya nkɔkɔ na yo Saulo, mpe yo, okolya limpa na mesa na ngai ntango nyonso.”+  Na yango, ye afukamaki elongi na nse mpe alobaki ete: “Mosaleli na yo azali nani mpo obalusa elongi na yo mpe otala mbwa ekufá+ lokola ngai?”  Bongo mokonzi abengaki Ziba, mosaleli ya Saulo, mpe alobaki na ye ete: “Eloko nyonso oyo ezalaki ya Saulo mpe ya ndako na ye mobimba, napesi yango+ na nkɔkɔ ya nkolo na yo. 10  Mpe okosalela ye bilanga, yo ná bana na yo, ná basaleli na yo, mpe okobuka mbuma, mpe ekozala biloko ya kolya mpo na bato ya nkɔkɔ ya nkolo na yo, mpe bakolya yango; kasi Mefiboshete, nkɔkɔ ya nkolo na yo, ye akolya limpa na mesa na ngai ntango nyonso.”+ Nzokande, Ziba azalaki na bana mibali zomi na mitano mpe na basaleli ntuku mibale (20).+ 11  Bongo Ziba alobaki na mokonzi ete: “Mosaleli na yo akosala na kolanda nyonso oyo nkolo na ngai mokonzi apesi mitindo mpo na mosaleli na ye; kasi Mefiboshete+ azali kolya na mesa na ngai lokola moko ya bana ya mokonzi.” 12  Nzokande, Mefiboshete azalaki na mwana mobali moko ya moke, nkombo na ye Mika,+ mpe baoyo nyonso bazalaki kofanda na ndako ya Ziba bazalaki basaleli ya Mefiboshete. 13  Bongo Mefiboshete ye moko azalaki kofanda na Yerusaleme, mpo azalaki kolya ntango nyonso na mesa ya mokonzi;+ mpe azalaki kotɛnguma na makolo nyonso mibale.+

Maloba na nse