Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Timote 4:1-16

4  Nzokande, elimo ya Nzambe elobi polele ete na bileko oyo ekoya+ bato mosusu bakotika+ kondima, bakotya likebi na maloba ya bokosi ya bilimo mabe+ mpe na mateya ya bademo,+  na bokosi ya bato oyo balobaka lokuta,+ oyo batyami elembo lokola oyo ya ebende ya mɔtɔ makasi na lisosoli+ na bango;  bazali kopekisa kobala,+ kotinda bato báboya bilei+ oyo Nzambe azalisá+ mpo bato oyo bazali na kondima+ mpe bayebi solo na bosikisiki bálya yango na matɔndi.  Mpo biloko nyonso oyo Nzambe azalisá ezali malamu,+ mpe eloko moko esengeli koboyama te+ soki balei yango na matɔndi,+  mpo esantisami na liloba ya Nzambe mpe na libondeli oyo basaleli yango.  Soki opesi bandeko toli oyo okozala mosaleli* malamu mpenza ya Kristo Yesu, oyo aleisi makanisi na ye maloba ya kondima mpe mateya malamu+ oyo olandi malamu mpenza.+  Kasi boyá masapo ya lokuta+ oyo ebebisaka makambo oyo ezali mosantu mpe oyo mibange basi babɛtaka. Lisusu, salá makasi* okóma na ezaleli ya kokangama na Nzambe.+  Mpo ngalasisi ya nzoto ezali na litomba na mwa makambo moke; kasi ezaleli ya kokangama na Nzambe+ ezali na litomba na makambo nyonso,+ mpo yango ezali na elaka ya bomoi ya lelo mpe ya bomoi ya mikolo oyo ezali koya.+  Liloba yango ezali sembo mpe ebongi mpenza kondimama.+ 10  Yango wana, tozali kosala mosala makasi mpe koboma nzoto,+ mpo totye elikya+ na biso epai ya Nzambe moko ya bomoi, oyo azali Mobikisi+ ya bato ya ndenge nyonso,+ mingimingi mpenza ya bato ya sembo.+ 11  Kobá kopesa mitindo+ wana mpe koteya yango.+ 12  Moto atyola bolenge na yo te.+ Nzokande, zalá ndakisa+ epai ya bato ya sembo+ na maloba, na etamboli, na bolingo, na kondima, na bizaleli ya pɛto.+ 13  Liboso naya, kobá komipesa na kotánga+ liboso ya bato nyonso,+ na kolendisa, na koteya. 14  Komona mpamba te likabo+ oyo ezali epai na yo, oyo bapesaki yo na nzela ya esakweli+ mpe ntango lisangani ya bankulutu etyelaki yo mabɔkɔ.+ 15  Okanisaka malamu mpenza makambo yango;+ omipesa mobimba na yango, mpo bato nyonso bámona polele ete ozali kokende liboso.+ 16  Omibatela+ mpe okeba na mateya+ na yo ntango nyonso. Kangamá na makambo yango, mpo soki osali bongo okomibikisa mpe okobikisa bato oyo bazali koyoka yo.+

Maloba na nse

To, “ministre.”
Lil., “salá ngalasisi.”