Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Samwele 3:1-21

3  Na ntango wana nyonso, elenge Samwele azalaki kosalela+ Yehova mosala liboso ya Eli, mpe na mikolo yango, liloba ya Yehova+ ekómaki ya koluka;+ bimonaneli+ ezalaki mpenza te.  Bongo esalemaki boye: na mokolo yango, Eli azalaki kolala na esika na ye, mpe miso na ye ebandaki kolɛmba;+ azalaki komona lisusu te.  Mpe mwinda ya Nzambe ebomamaki naino te, mpe Samwele azalaki kolala na tempelo+ ya Yehova, esika sanduku ya Nzambe ezalaki.  Mpe Yehova abengaki Samwele. Bongo ye azongisaki ete: “Ngai oyo.”+  Mpe apotaki mbangu epai ya Eli mpe alobaki ete: “Ngai oyo, mpo obengi ngai.” Kasi ye alobaki: “Nabengi yo te. Zongá kolala.” Bongo azongaki kolala.  Mpe Yehova abengaki lisusu ete: “Samwele!”+ Na yango, Samwele atɛlɛmaki mpe akendaki epai ya Eli mpe alobaki boye: “Ngai oyo, mpo obengi ngai solo.” Kasi ye alobaki: “Nabengi yo te, mwana na ngai.+ Zongá kolala.”  (Nde Samwele, ayebaki naino Yehova malamu te, mpe liloba ya Yehova ebandaki naino komonisama epai na ye te.)+  Na yango, Yehova abengaki lisusu mbala ya misato ete: “Samwele!” Bongo atɛlɛmaki mpe akendaki epai ya Eli mpe alobaki boye: “Ngai oyo, mpo obengi ngai mpenza.” Mpe Eli asosolaki ete Yehova nde azali kobenga mwana.  Na yango, Eli alobaki na Samwele boye: “Kende, lalá, mpe ekosalema mpenza boye: soki abengi yo, osengeli koloba ete: ‘Lobá, Yehova, mpo mosaleli na yo azali koyoka.’” Bongo Samwele azongaki kolala na esika na ye. 10  Na nsima, Yehova ayaki mpe atɛlɛmaki mpe abengaki lokola na mbala mosusu ete: “Samwele, Samwele!” Na yango, Samwele alobaki ete: “Lobá, mpo mosaleli na yo azali koyoka.”+ 11  Mpe Yehova alobaki na Samwele boye: “Talá! Nazali kosala+ likambo moko na Yisraele, oyo soki moto ayoki yango, matoi na ye nyonso ekoyoka mpasi.+ 12  Na mokolo yango, nakokokisa epai ya Eli makambo nyonso oyo nalobaki mpo na ndako na ye, banda na ebandeli tii na nsuka.+ 13  Mpe osengeli koyebisa ye ete nazali kosambisa ndako+ na ye mpo na ntango oyo etyami ndelo te mpo na libunga oyo ye ayebi,+ mpamba te bana na ye bazali kolakela Nzambe mabe,+ mpe ye apameli bango te.+ 14  Yango wana, nalapeli ndako ya Eli ndai ete etumbu ekozanga te mpo na libunga ya ndako ya Eli mpo na ntango oyo etyami ndelo te, ata bapesi mbeka to likabo.”+ 15  Mpe Samwele alalaki tii na ntɔngɔ. Na nsima, afungolaki baporte ya ndako ya Yehova.+ Mpe Samwele azalaki kobanga koyebisa Eli likambo oyo amonaki.+ 16  Kasi Eli abengaki Samwele mpe alobaki boye: “Samwele, mwana na ngai!” Bongo ye alobaki: “Ngai oyo.” 17  Mpe ye alobaki ete: “Liloba nini ayebisi yo? Nabondeli yo, kobombela ngai yango te.+ Tiká Nzambe asala yo bongo mpe abakisa yango+ soki obombeli ngai ata liloba moko na maloba nyonso oyo ayebisi yo.” 18  Na yango, Samwele ayebisaki maloba yango nyonso, mpe abombelaki ye likambo moko te. Bongo ye alobaki ete: “Ezali Yehova. Tiká asala oyo ezali malamu na miso na ye.”+ 19  Mpe Samwele azalaki se kokola, mpe Yehova ye moko azalaki elongo na ye+ mpe na maloba na ye nyonso, azangaki kokokisa ata moko te.*+ 20  Mpe Yisraele mobimba, banda na Dani tii na Beere-sheba,+ bayaki koyeba ete Samwele andimami mpo na kosala mosala ya mosakoli ya Yehova.+ 21  Bongo Yehova amonanaki lisusu+ na Shilo, mpamba te Yehova amimonisaki epai ya Samwele na Shilo, na nzela ya liloba ya Yehova.+

Maloba na nse

Lil., “akweisaki ata moko te na mabele.”