Lakisá makambo oyo ezali na kati

Kende na mitó ya makambo

Batatoli ya Yehova

Poná monɔkɔ Lingala

1 Samwele 27:1-12

27  Nzokande, Davidi alobaki na motema na ye ete: “Sikoyo, lobɔkɔ ya Saulo ekoboma ngai mokolo mosusu. Likambo mosusu ya kosala ezali te, malamu nakima+ na mokili ya Bafilistia;+ mpe Saulo akolɛmba koluka ngai na teritware mobimba ya Yisraele,+ mpe ya solo, nakobika na lobɔkɔ na ye.”  Bongo Davidi atɛlɛmaki, mpe ye ná bato nkama motoba (600)+ oyo bazalaki elongo na ye bakatisaki epai ya Akishe+ mwana ya Maoke, mokonzi ya Gate.  Mpe Davidi akobaki kofanda elongo na Akishe na Gate, ye ná bato na ye, moto na moto ná bato ya ndako na ye;+ Davidi ná basi na ye mibale, Ahinoame+ Moyizireele mpe Abigaile,+ mwasi ya Nabale, Mokaramele.  Na nsima, bapesaki Saulo nsango ete Davidi akimi na Gate, bongo akendaki lisusu koluka ye te.+  Na nsima, Davidi alobaki na Akishe boye: “Sikoyo, soki nandimami na miso na yo, tiká bápesa ngai esika na moko ya bingumba ya etúká ya zamba, mpo nafanda kuna; mpamba te, mpo na nini mosaleli na yo afanda elongo na yo na engumba ya mokonzi?”  Na yango, Akishe apesaki ye Ziklage+ na mokolo wana. Yango wana Ziklage ekómá ya bakonzi ya Yuda tii na mokolo ya lelo.  Mpe mikolo oyo Davidi afandaki na etúká ya zamba ya Bafilistia ezalaki mbula moko na sanza minei.+  Bongo Davidi amataki elongo na bato na ye mpo na kobunda na Bageshure,+ Bagirize mpe Baamaleke;+ mpo bazalaki kofanda na mokili oyo ekei banda na Telame+ tii na Shure+ mpe kitá tii na mokili ya Ezipito.  Mpe Davidi abɛtaki mokili yango, kasi atikaki ata mobali to mwasi na bomoi te;+ mpe azwaki bitonga ya bampate mpe ya bangɔmbɛ, bampunda, bakamela mpe bilamba, nsima na yango, azongaki mpe ayaki epai ya Akishe. 10  Bongo Akishe alobaki boye: “Epai wapi bokɔtaki mpo na kobunda lelo?” Na yango, Davidi alobaki ete:+ “Na sudi ya Yuda+ mpe na sudi ya Bayerameele+ mpe na sudi ya Bakeni.”+ 11  Mobali to mwasi, Davidi azalaki kotika ata moko te na bomoi mpo na komema bango na Gate, alobaki ete: “Noki báfunda biso ete: ‘Davidi asali biso boye na boye.’”+ (Azalaki kosala bongo mikolo nyonso oyo afandaki na etúká ya zamba ya Bafilistia.) 12  Bongo Akishe andimaki+ Davidi, alobi na motema na ye ete: “Ya solo mpenza akómi eloko ya nsolo mabe epai ya bato na ye Yisraele;+ mpe akokóma mpenza mosaleli na ngai mpo na ntango oyo etyami ndelo te.”

Maloba na nse