Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Ntango 5:1-26

5  Mpe bana ya Rubene+ mwana ya liboso ya Yisraele—mpo azalaki mwana ya liboso;+ kasi lokola akómisaki mbeto ya tata na ye eloko mpamba,+ lotomo na ye ya mwana ya liboso epesamaki na bana ya Yozefe+ mwana ya Yisraele, bongo asengelaki te kokomama nkombo na molɔngɔ ya bankɔkɔ mpo na lotomo ya mwana ya liboso.  Mpo Yuda+ alekaki bandeko na ye, mpe mokambi autaki na ye;+ kasi lotomo ya mwana ya liboso ezalaki ya Yozefe+  bana mibali ya Rubene mwana ya liboso ya Yisraele bango oyo: Hanoke+ ná Palu,+ Hezerone mpe Karami.+  Bana ya Yoele bango oyo: mwana na ye Shemaya, mwana na ye Goge, mwana na ye Shimei,  mwana na ye Mika, mwana na ye Reaya, mwana na ye Baala,  mwana na ye Beera, oyo Tilgate-pilinesere+ mokonzi ya Asiri amemaki na mboka mopaya, ye azalaki nkumu ya Barubene.  Mpe bandeko na ye na kolanda mabota na bango, ndenge bakomamaki nkombo na kolanda molɔngɔ ya bankɔkɔ na bango,+ ndenge bakitanaki, bango oyo: nkumu Yeyele ná Zekaria,  mpe Bela mwana ya Azaze mwana ya Shema mwana ya Yoele+—ye azalaki kofanda na Aroere,+ kino na Nebo+ mpe Baala-meone.+  Na ɛsti mpe, afandaki kino na esika bakɔtaka na esobe, na ebale Efrate,+ mpo bibwɛlɛ na bango ekómaki ebele na mokili ya Gileade.+ 10  Mpe na mikolo ya Saulo, babundaki na Bahagri,+ baoyo bakweaki na lobɔkɔ na bango; na yango, bafandaki na bahema na bango na mokili mobimba ya ɛsti ya Gileade. 11  Bana ya Gade+ oyo bazalaki penepene na bango, bafandaki na mokili ya Bashane+ tii na Saleka.+ 12  Yoele azalaki nkumu, Shafame moto oyo alandi ye, ná Yanai ná Shafate na Bashane. 13  Mpe talá bandeko na bango oyo bazalaki bato ya ndako ya bankɔkɔ na bango: Mikaele, Meshulame, Sheba, Yorai, Yakane, Zia ná Ebere, nsambo. 14  Bango nde bana ya Abihaile mwana ya Huri, mwana ya Yaroa, mwana ya Gileade, mwana ya Mikaele, mwana ya Yeshishai, mwana ya Yahado, mwana ya Buze; 15  Ahi mwana ya Abadiele, mwana ya Guni, nkumu ya ndako ya bankɔkɔ na bango. 16  Mpe bakobaki kofanda na Gileade,+ na Bashane+ mpe na basité oyo esimbami na yango,+ mpe na bisika nyonso ya koleisa banyama matiti na Sharone tii na bansuka na yango. 17  Bango nyonso bakomamaki nkombo na kolanda molɔngɔ ya bankɔkɔ na bango na mikolo ya Yotame+ mokonzi ya Yuda mpe na mikolo ya Yeroboame+ mokonzi ya Yisraele. 18  Bana ya Rubene, Bagade ná ndambo ya libota ya Manase; na baoyo bazalaki bilombe,+ mibali oyo bazalaki komema nguba ná mopanga, oyo bazalaki kogumba litimbo mpe bamesaná na etumba, bazalaki bato nkóto ntuku minei na minei na nkama nsambo na ntuku motoba (44 760) oyo bazalaki kokende na mosala ya soda.+ 19  Mpe babandaki kobunda na Bahagri,+ na Yeture,+ na Nafishi+ mpe na Nodabe. 20  Mpe bazwaki lisalisi mpo na kobunda na bango, bongo Bahagri mpe baoyo nyonso bazalaki elongo na bango bapesamaki na lobɔkɔ na bango, mpo babelelaki nde Nzambe mpo na kosɛnga lisalisi+ na etumba yango, mpe ye andimaki libondeli na bango mpamba te batyelaki ye motema.+ 21  Mpe bakangaki bibwɛlɛ+ na bango: bakamela na bango nkóto ntuku mitano (50 000), mpe bampate nkóto nkama mibale na ntuku mitano (250 000), mpe bampunda nkóto mibale (2 000), mpe milimo ya bato nkóto nkama moko+ (100 000). 22  Mpo mingi bakweaki bibembe, mpamba te etumba ezalaki ya Nzambe ya solo.+ Mpe bakobaki kofanda na esika na bango tii na ntango ya komemama na mboka mopaya.+ 23  Bana ya ndambo ya libota ya Manase+ bafandaki na mokili banda Bashane+ kino na Baala-heremone,+ Senire+ mpe na Ngomba Heremone.+ Bango bakómaki ebele. 24  Mpe bankumu ya ndako ya bankɔkɔ na bango, bango oyo: Efere, Yishi, Eliele, Aziriele, Yirimia, Hodavia ná Yadiele, mibali oyo bazalaki bilombe, bato ya nguya, mibali ya lokumu, bankumu ya ndako ya bankɔkɔ na bango. 25  Mpe babandaki kosalela Nzambe ya bankɔkɔ na bango makambo ya sembo te mpe basalaki pite+ na banzambe+ ya bato ya mokili yango oyo Nzambe asilisaki nyɛɛ liboso na bango. 26  Na yango, Nzambe ya Yisraele alamwisaki elimo+ ya Pulu+ mokonzi ya Asiri,+ ɛɛ, elimo ya Tilgate-pilinesere+ mokonzi ya Asiri, bongo amemaki na mboka mopaya+ Barubene, Bagade mpe ndambo ya libota ya Manase mpe amemaki bango na Hala+ mpe na Habore mpe na Hara mpe na ebale Gozane, bazali wana tii na mokolo ya lelo.

Maloba na nse