Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Ntango 22:1-19

22  Bongo Davidi alobaki boye: “Oyo nde ndako+ ya Yehova Nzambe ya solo, mpe oyo nde etumbelo+ ya likabo ya kotumba mpo na Yisraele.”  Sikoyo, Davidi alobaki ete báyanganisa bato nyonso oyo bafandi bapaya,+ baoyo bazalaki na mokili ya Yisraele, na nsima atyaki bango bakati-mabanga+ mpo bákata mabanga+ ya kotonga ndako ya Nzambe ya solo.  Mpe Davidi alɛngɛlaki ebele ya bibende ya kosala nsɛtɛ ya bizipeli ya baporte mpe mpo na bibakeli, mpe lisusu motako mingi oyo ekoki komekama kilo te,+  mpe lisusu banzete ya sɛdrɛ+ oyo motángo eyebani te; mpo Basidone+ ná bato ya Tire+ bamemelaki Davidi banzete ya sɛdrɛ ebele mpenza.  Na yango, Davidi alobaki boye: “Mwana na ngai Salomo azali elenge mpe azali naino makasi te,+ mpe ndako oyo bakotongela Yehova esengeli kozala eloko oyo eleki na nkembo+ mpe na kitoko+ na mikili nyonso. Bongo tiká nabongisela ye makambo.” Na yango, Davidi alɛngɛlaki biloko mingi liboso ya liwa na ye.+  Lisusu, abengaki mwana na ye Salomo mpo apesa ye mitindo ya kotongela Yehova Nzambe ya Yisraele ndako.  Mpe Davidi alobaki lisusu na mwana na ye Salomo boye: “Mpo na ngai, na motema+ na ngai, nazalaki na mposa ya kotongela nkombo+ ya Yehova Nzambe na ngai ndako.  Kasi liloba ya Yehova eyelaki ngai ete: ‘Osopá makila mingi mpenza,+ mpe obundá bitumba minene.+ Okotongela nkombo na ngai ndako te,+ mpo osopá makila mingi na mabele liboso na ngai.  Talá! Okobota mwana mobali.+ Akopema mpe nakopesa ye mpenza bopemi liboso ya banguna na ye nyonso epai na epai;+ mpo nkombo na ye ekozala Salomo,+ mpe nakopesa Yisraele kimya+ mpe bopemi na mikolo na ye. 10  Ye nde akotongela nkombo na ngai ndako,+ mpe ye akozala mwana+ na ngai, mpe ngai nakozala tata+ na ye. Mpe nakopika makasi kiti ya bokonzi+ na ye likoló ya Yisraele mpo na ntango oyo etyami ndelo te.’ 11  “Sikoyo, mwana na ngai, Yehova azala na yo, mpe yo, osengeli kolonga mpe kotonga ndako ya Yehova Nzambe na yo, ndenge alobaki mpo na yo.+ 12  Kasi tiká Yehova apesa yo bokɛngi mpe mayele,+ mpe tiká apesa yo mitindo na ntina etali Yisraele, ɛɛ mpo na kotosa mobeko ya Yehova Nzambe na yo.+ 13  Na ndenge wana nde okolonga,+ soki okebi mpo na kokokisa malako+ mpe bikateli ya lisambisi+ oyo Yehova apesaki+ Moize na ntina etali Yisraele. Zalá na mpiko mpe na makasi.+ Kobanga te,+ kozala na nsɔmɔ mpe te.+ 14  Mpe talá, na ntango ya mpasi+ na ngai, nalɛngɛli mpo na ndako ya Yehova talanta nkóto nkama moko (100 000) ya wolo+ mpe talanta milio moko (1 000 000) ya palata, bongo motako+ ná ebende,+ ndenge ya komeka kilo na yango ezali te mpo eleki mingi; nalɛngɛli mpe banzete ná mabanga, kasi okobakisa mosusu. 15  Mpe bato ya kosala mosala bazali ebele elongo na yo, bakati-mabanga mpe bato oyo basalaka misala ya mabanga+ mpe ya banzete mpe bato nyonso oyo bayebi malamu mosala ya ndenge nyonso.+ 16  Wolo, palata, motako ná ebende, ndenge ya kotánga yango ezali te.+ Tɛlɛmá mpe salá,+ mpe tiká Yehova azala na yo.”+ 17  Lisusu, Davidi apesaki bankumu nyonso ya Yisraele mitindo mpo básalisa mwana na ye Salomo: 18  “Yehova Nzambe na bino azali nde na bino te,+ mpe apesi bino bopemi bipai na bipai te?+ Mpo apesi bato oyo bafandi na mokili na lobɔkɔ na ngai, mpe mokili etyami na nse ya bokonzi ya Yehova+ mpe ya bato na ye. 19  Sikoyo, bótya motema na bino mpe molimo+ na bino mpo na koluka Yehova Nzambe na bino,+ mpe bótɛlɛma mpe bótonga esika mosantu+ ya Yehova Nzambe ya solo,+ mpo na komema sanduku+ ya kondimana ya Yehova mpe bisaleli mosantu ya Nzambe ya solo na ndako oyo batongeli nkombo+ ya Yehova.”

Maloba na nse