Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Ntango 20:1-8

20  Mpe esalemaki boye: na ebandeli ya mbula,+ na ntango oyo bakonzi babimaka,+ Yoabe akambaki bituluku ya basoda ya limpinga oyo babundaka+ mpe abebisaki mokili ya bana ya Amone mpe ayaki mpe azingaki Raba,+ nde Davidi afandaki na Yerusaleme; mpe lisusu, Yoabe abɛtaki+ Raba mpe abebisaki yango.  Kasi Davidi alongolaki motole ya Malakame na motó na yango,+ mpe amonaki ete ezali na kilo ya talanta moko ya wolo, mpe kati na yango, ezalaki na mabanga ya ntalo; mpe ekómaki na motó ya Davidi. Mpe biloko oyo bapunzaki na engumba yango mpe oyo abimisaki ezalaki mingi mpenza.+  Mpe abimisaki bato oyo bazalaki na engumba yango, mpe atyaki bango na misala+ ya kokata mabanga na sii mpe na bisaleli ya ebende oyo ezali mopɔtu mpe na misala ya basóka;+ mpe ndenge wana nde Davidi azalaki kosala na bingumba nyonso ya bana ya Amone. Nsukansuka, Davidi ná bato nyonso bazongaki na Yerusaleme.  Mpe esalemaki boye: nsima na yango, etumba ebimaki na Bafilistia+ na Gezere.+ Ezali na ntango yango nde Sibekai+ Mohusha abomaki Sipai oyo azalaki moko ya bana ya Barefaime,+ bongo balongaki Bafilistia.  Mpe etumba ebimaki lisusu na Bafilistia; bongo Elehanane+ mwana ya Yaire abomaki Lahami ndeko ya Goliate+ moto ya Gate, oyo nzete ya likɔnga na ye ezalaki monene lokola nzete ya kolíngela nsinga oyo basali-bilamba basalelaka.+  Mpe etumba ebimaki lisusu na Gate,+ wana mobali moko ya mbinga na ndenge moko ya kokamwa+ azalaki kuna, oyo misapi ya mabɔkɔ mpe misapi ya makolo ezalaki motoba motoba, nyonso ntuku mibale na minei+ (24); ye mpe azalaki mwana ya Barefaime.+  Mpe azalaki se kotumola+ Yisraele. Nsukansuka, Yonatane mwana ya Shimea+ ndeko ya Davidi abomaki ye.  Baoyo wana bazalaki bana ya Barefaime,+ oyo babotamaki na Gate;+ mpe bakweaki+ na lobɔkɔ ya Davidi mpe na lobɔkɔ ya basaleli na ye.

Maloba na nse