Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Ntango 18:1-17

18  Mpe na nsima, esalemaki boye: Davidi alongaki Bafilistia+ mpe atyaki bango na nse ya bokonzi na ye mpe azwaki na lobɔkɔ ya Bafilistia Gate+ ná basité oyo esimbami na yango.  Na nsima, Davidi alongaki Moabe,+ bongo Bamoabe bakómaki basaleli ya Davidi mpo báyelaka ye mpako.+  Mpe lisusu Davidi alongaki Hadadezere+ mokonzi ya Soba+ na Hamate,+ ntango azalaki kokende na ebale Efrate kozwa makasi mpo na bokonzi na ye.+  Lisusu, Davidi akangaki makalo na ye nkóto moko (1 000) mpe basoda nkóto nsambo (7 000) oyo batambolaka na mpunda mpe basoda nkóto ntuku mibale (20 000) oyo batambolaka na makolo.+ Na nsima, Davidi akataki misisa ya nsima ya mabɔlɔngɔ ya makolo ya nsima+ ya bampunda+ nyonso ya makalo, kasi atikaki kati na yango bampunda nkama moko (100) ya makalo.  Ntango Siri ya Damasi eyaki kosalisa Hadadezere mokonzi ya Soba,+ Davidi abomaki mibali nkóto ntuku mibale na mibale (22 000) kati na bato ya Siri.  Nsima na yango, Davidi atyaki bituluku ya basoda na Siri ya Damasi,+ mpe bato ya Siri bakómaki basaleli ya Davidi mpo báyelaka ye mpako.+ Mpe Yehova azalaki se kopesa Davidi lobiko esika nyonso oyo azalaki kokende.+  Longola wana, Davidi azwaki banguba+ ya zolongano ya wolo, oyo ezalaki epai ya basaleli ya Hadadezere mpe ayaki na yango na Yerusaleme.+  Mpe na Tibate+ mpe na Kune, bingumba ya Hadadezere, Davidi azwaki motako mingi. Na yango nde Salomo asalaki mbu ya motako,+ makonzí+ ná bisaleli ya motako.+  Ntango Tou mokonzi ya Hamate+ ayokaki ete Davidi abomi limpinga nyonso ya basoda ya Hadadezere+ mokonzi ya Soba, 10  na mbala moko, atindelaki Mokonzi Davidi mwana na ye Hadorame+ mpo na kotuna ye soki azali malamu mpe kopesa ye longonya mpo abundaki na Hadadezere mpe alongaki ye (mpamba te Hadadezere azalaki kobunda mbala na mbala na Tou,) mpe azalaki na biloko ya wolo mpe ya palata+ mpe ya motako, ya ndenge nyonso. 11  Mokonzi Davidi asantiselaki+ mpe Yehova biloko yango, esika moko na palata mpe wolo oyo abɔtɔlaki na bikólo nyonso:+ na Edome, na Moabe,+ na bana ya Amone,+ na Bafilistia+ mpe na Amaleke.+ 12  Mpe Abishai+ mwana ya Zeruya+ abomaki Baedome na Lobwaku ya Mungwa,+ bato nkóto zomi na mwambe (18 000). 13  Bongo atyaki bituluku ya basoda na Edome, mpe Baedome nyonso bakómaki basaleli ya Davidi.+ Mpe Yehova azalaki se kobikisa Davidi na esika nyonso oyo azalaki kokende.+ 14  Bongo Davidi akobaki koyangela Yisraele mobimba,+ mpe azalaki se kosambisa mpe kokata makambo na boyengebene mpo na bato na ye nyonso.+ 15  Mpe Yoabe mwana ya Zeruya azalaki mokonzi ya basoda,+ mpe Yehoshafate+ mwana ya Ahilude azalaki mokomi-makambo. 16  Zadoke+ mwana ya Ahitube mpe Ahimeleke+ mwana ya Abiatare bazalaki banganga-nzambe, mpe Shavisha+ azalaki sɛkrɛtɛrɛ. 17  Benaya+ mwana ya Yehoyada+ azalaki mokonzi ya Bakerete+ mpe Bapelete;+ mpe bana mibali ya Davidi bazalaki na esika ya liboso, pembeni ya mokonzi.+

Maloba na nse