Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Ntango 15:1-29

15  Mpe akobaki komitongela bandako+ na Sité ya Davidi; mpe lisusu, abongiselaki sanduku ya Nzambe ya solo esika+ mpe atɛlɛmiselaki yango hema.  Na ntango yango nde Davidi alobaki boye: “Moto moko te akomema sanduku ya Nzambe ya solo, kaka Balevi, mpo bango nde Yehova aponá mpo na komema sanduku ya Yehova+ mpe kosalela+ ye mpo na ntango oyo etyami ndelo te.”  Na nsima, Davidi ayanganisaki Yisraele mobimba na Yerusaleme+ mpo na komema sanduku+ ya Yehova kino na esika oyo abongiselaki yango.  Mpe Davidi ayanganisaki bana ya Arona+ mpe Balevi;  na bana ya Kohate: kapita Uriele,+ ná bandeko na ye, bato nkama moko na ntuku mibale (120);  na bana ya Merari:+ kapita Asaya,+ ná bandeko na ye, bato nkama mibale na ntuku mibale (220);  na bana ya Gereshome:+ kapita Yoele,+ ná bandeko na ye, bato nkama moko na ntuku misato (130);  na bana ya Elizafane:+ kapita Shemaya,+ ná bandeko na ye, bato nkama mibale (200);  na bana ya Hebrone: kapita Eliele, ná bandeko na ye, bato ntuku mwambe (80); 10  na bana ya Uziele:+ kapita Aminadabe, ná bandeko na ye, bato nkama moko na zomi na mibale (112). 11  Lisusu, Davidi abengaki Zadoke+ ná Abiatare+ banganga-nzambe, mpe Balevi: Uriele,+ Asaya,+ Yoele,+ Shemaya,+ Eliele+ ná Aminadabe, 12  mpe alobaki na bango lisusu boye: “Bozali bakapita+ ya batata ya Balevi. Bómisantisa,+ bino ná bandeko na bino, mpe bosengeli komema sanduku ya Yehova Nzambe ya Yisraele kino na esika oyo nabongiseli yango. 13  Lokola na mbala ya liboso bosalaki yango te,+ Yehova Nzambe na biso atombokelaki biso,+ mpo tolukaki ye te, lokola na momeseno.”+ 14  Na yango, banganga-nzambe mpe Balevi bamisantisaki+ mpo na komatisa sanduku ya Yehova Nzambe ya Yisraele. 15  Na nsima, bana ya Balevi bamemaki+ sanduku ya Nzambe ya solo na mapeka na bango, na nzete na yango,+ ndenge Moize apesaki mitindo, na kolanda liloba ya Yehova. 16  Bongo Davidi alobaki na bakapita ya Balevi bátya bandeko na bango bayembi+ elongo na bibɛtɛlo ya nzembo,+ bibɛtɛlo ya bansinga,+ banzɛnzɛ+ mpe basɛmbalɛ,+ bábɛta makasi mpo na kobimisa lokito ya esengo. 17  Na yango, Balevi batyaki Hemane+ mwana ya Yoele mpe, na kati ya bandeko na ye, Asafe+ mwana ya Berekia; mpe, na kati ya bandeko na bango bana ya Merari, Etane+ mwana ya Kushaya; 18  mpe elongo na bango, bandeko na bango ya etuluku ya mibale:+ Zekaria,+ Bene, Yaaziele, Shemiramote, Yehiele, Uni, Eliabe, Benaya, Maaseya, Matitia, Elifelehu, Mikeneia, Obede-edome+ ná Yeyele bakɛngɛli ya baporte, 19  mpe bayembi, Hemane,+ Asafe+ ná Etane, elongo na basɛmbalɛ ya motako mpo na kobɛta makasi;+ 20  mpe Zekaria, Aziele,+ Shemiramote, Yehiele, Uni, Eliabe, Maaseya ná Benaya, elongo na bibɛtɛlo ya bansinga oyo babongisi mpo ekokana na lolaka ya Alamote,+ 21  mpe Matitia,+ Elifelehu, Mikeneya, Obede-edome, Yeyele ná Azazia, elongo na banzɛnzɛ+ oyo babongisi mpo ekokana na lolaka ya Sheminite,+ mpo bázala bakambi; 22  mpe Kenania,+ kapita ya Balevi oyo bazalaki na mokumba ya komema biloko; ye azalaki koteya ndenge ya komema, mpo azalaki moto oyo ayebaki mosala yango malamumalamu;+ 23  Berekia ná Elekana bakɛngɛli ya baporte+ mpo na Sanduku; 24  ná Shebania, Yoshafate, Netanele, Amasai, Zekaria, Benaya ná Eliezere banganga-nzambe oyo bazalaki koyula kelelo+ makasi liboso ya sanduku ya Nzambe ya solo, mpe Obede-edome ná Yehia bakɛngɛli ya baporte mpo na Sanduku. 25  Mpe Davidi+ ná mikóló ya Yisraele+ mpe bakonzi+ ya bato nkóto nkóto, bango nde bakendaki mpo na kobimisa sanduku ya kondimana ya Yehova na ndako ya Obede-edome+ na esengo.+ 26  Mpe esalemaki boye: ntango Nzambe ya solo asalisaki+ Balevi, wana bazalaki komema sanduku ya kondimana ya Yehova, bapesaki mbeka ya bana-ngɔmbɛ nsambo ya mibali mpe bampate nsambo ya mibali.+ 27  Mpe Davidi alataki kazaka moko ezangá mabɔkɔ oyo basalá na elamba ya kitoko, ndenge moko mpe Balevi nyonso oyo bazalaki komema Sanduku mpe bayembi mpe Kenania+ kapita ya mokumba ya komema biloko, mokumba oyo bayembi+ bazalaki kosala; kasi Davidi alataki efode+ ya lini. 28  Bongo Bayisraele nyonso bazalaki komatisa sanduku ya kondimana ya Yehova na koganga ya esengo+ mpe na lokito ya liseke,+ na bakelelo+ mpe na basɛmbalɛ,+ bazalaki kobɛta bibɛtɛlo ya bansinga makasi mpe na banzɛnzɛ.+ 29  Mpe esalemaki boye: ntango sanduku ya kondimana+ ya Yehova ekómaki na Sité ya Davidi, Mikale,+ mwana mwasi ya Saulo, atalaki na nse, na lininisa, mpe amonaki Mokonzi Davidi azali kopumbwapumbwa mpe kosepela;+ bongo abandaki kotyola+ ye na motema.

Maloba na nse