Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Ntango 13:1-14

13  Mpe Davidi alukaki makanisi epai ya bakonzi ya bato nkóto nkóto mpe ya bato nkama nkama mpe epai ya bakambi nyonso;+  Na nsima Davidi alobaki na lisangá mobimba ya Yisraele boye: “Soki emonani malamu na miso na bino mpe soki endimami na Yehova Nzambe na biso, tótinda bato epai ya bandeko na biso oyo batikali na mabele nyonso ya Yisraele+ mpe, elongo na bango, epai ya banganga-nzambe+ ná Balevi+ na bingumba+ na bango ná bisika ya koleisa banyama matiti, mpo báyangana epai na biso.  Bongo tómema sanduku+ ya Nzambe na biso tii epai na biso.” Mpo batyelaki yango likebi te na mikolo ya Saulo.+  Na yango, lisangá mobimba elobaki básala bongo, mpo likambo yango emonanaki malamu na miso ya bato nyonso.+  Bongo Davidi ayanganisaki+ Yisraele mobimba banda na ebale ya Ezipito+ tii na esika ya kokɔta na Hamate,+ mpo na komema sanduku+ ya Nzambe ya solo uta na Kiriate-yearime.+  Mpe Davidi ná Yisraele mobimba bamataki na Baala,+ na Kiriate-yearime, ya Yuda, mpo na komema uta na esika yango sanduku ya Nzambe ya solo, Yehova, oyo afandi likoló ya bakeruba,+ sanduku oyo ememi nkombo na ye.  Kasi, bamatisaki sanduku ya Nzambe ya solo na pusu ya sika,+ longwa na ndako ya Abinadabe, mpe Uza ná Ahio+ bazalaki kotambwisa pusu yango.  Mpe Davidi ná Yisraele mobimba bazalaki kosepela+ liboso ya Nzambe ya solo na makasi nyonso, ná nzembo,+ ná nzɛnzɛ,+ bibɛtɛlo ya bansinga+ ná bambonda mike,+ basɛmbalɛ ná bakelelo.+  Mpe nsukansuka, bakómaki na esika ya kotutatuta mbuma ya Kidone,+ bongo Uza asembolaki lobɔkɔ na ye mpo na kosimba Sanduku,+ mpamba te bangɔmbɛ elingaki kokweisa yango. 10  Na yango, nkanda ya Yehova engalelaki Uza, bongo abomaki ye mpamba te asembolaki lobɔkɔ na ye mpe asimbaki Sanduku,+ mpe akufaki wana liboso ya Nzambe.+ 11  Bongo Davidi asilikaki+ mpo Yehova atombokelaki Uza; mpe bakómaki kobenga esika yango Pereze-uza tii na mokolo ya lelo. 12  Davidi akómaki kobanga Nzambe ya solo na mokolo yango,+ alobi: “Ndenge nini nakomema sanduku ya Nzambe ya solo epai na ngai?”+ 13  Mpe Davidi ayaki te na Sanduku epai na ye, na Sité ya Davidi, kasi alekisaki yango na ndako ya Obede-edome+ moto ya Gate.+ 14  Bongo sanduku ya Nzambe ya solo efandaki sanza misato ná bato ya ndako ya Obede-edome, na ndako na ye;+ mpe Yehova azalaki se kopambola+ bato ya ndako ya Obede-edome ná biloko na ye nyonso.

Maloba na nse