Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Batesaloniki 3:1-13

3  Yango wana, ntango tokokaki kokanga motema lisusu te, tomonaki malamu tótikala biso moko na Atene;+  mpe totindaki Timote,+ ndeko na biso mpe mosaleli ya Nzambe mpo na nsango malamu+ oyo etali Kristo, mpo apesa bino makasi mpe abɔndisa bino mpo na kondima na bino,  mpo moto moko te aningisama na malɔzi wana.+ Mpo bino moko boyebi ete biso totyami mpo na likambo yango mpenza.+  Mpe, ya solo, ntango tozalaki elongo na bino, tozalaki koyebisa bino libelalibela+ ete tosengeli kozwa bolɔzi,+ kaka ndenge mpe yango esalemi mpe ndenge boyebi.+  Yango wana, ntango nakokaki mpenza kokanga motema lisusu te, natindaki moto mpo na koyeba makambo oyo etali bosembo na bino,+ soki mbala mosusu Momeki+ amekaki bino, mpe mbala mosusu mosala na biso ya makasi ekei mpamba.+  Kasi Timote auti epai na bino, akómi awa sikoyo+ mpe apesi biso nsango malamu oyo etali bosembo na bino mpe bolingo na bino,+ mpe ete bozali ntango nyonso kokoba kokanisa biso na ndenge ya malamu, bozali koyoka mposa makasi ya komona biso ndenge biso mpe, ya solo, tozali koyoka yango mpo na bino.+  Yango wana, bandeko, tobɔndisami+ mpo na bino na kokelela na biso nyonso mpe bolɔzi na biso mpo na bosembo oyo bozali komonisa,+  mpo sikoyo tozali na bomoi soki bino bozali kotɛlɛma ngwi na kati ya Nkolo.+  Mpo matɔndi nini mpenza tokoki kozongisela Nzambe na ntina na bino mpo na esengo nyonso oyo biso tozali kosepela+ na yango mpo na bino liboso ya Nzambe na biso, 10  wana butu moi tozali kosala malɔmbɔ+ oyo eleki mpenza makasi mpo na komona bilongi na bino mpe kobakisela bino makambo oyo ezangi na kondima na bino?+ 11  Nzokande, tiká Nzambe mpe Tata na biso ye moko mpe Nkolo na biso Yesu+ bátambwisa malamu nzela na biso ya koya epai na bino. 12  Lisusu, Nkolo akolisa bino,+ ɛɛ, atondisa bino na bolingo,+ ya bino na bino mpe ya bato nyonso, se ndenge biso mpe tozali na yango epai na bino; 13  mpo akómisa mitema na bino ngwi, ezanga mbeba+ na kati ya bosantu liboso ya Nzambe na biso mpe Tata na ntango ya kozala+ ya Nkolo na biso Yesu elongo na basantu na ye nyonso.+

Maloba na nse