Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Batesaloniki 2:1-20

2  Ya solo, bandeko, bino moko boyebi, ete koya+ oyo toyaki kotala bino ezangaki kobimisa matomba te,+  kasi ete, nsima ya konyokwama+ liboso mpe kosambwisama mabe+ na Filipi+ (kaka ndenge boyebi), tozwaki mpiko na lisalisi ya Nzambe na biso mpo na kolobela+ bino nsango malamu ya Nzambe na bitumba mingi.  Mpo elendiseli oyo tozali kopesa euti na libunga te to na mbindo+ te to na bokosi te,  kasi, se ndenge tomekamaki na Nzambe mpe tomonani ete tobongi kozwa mokumba+ ya nsango malamu, tozali mpe koloba bongo, mpo na kosepelisa,+ bato te, kasi Nzambe, oyo amekaka mitema na biso.+  Ɛɛ, ata mbala moko te toyá na maloba sukali,+ (kaka ndenge boyebi) to na elongi ya kokosa+ mpo na kolula biloko ya bato,+ Nzambe azali komona!  Tolukaki mpe te nkembo epai ya bato,+ ɛɛ, ezala epai na bino to epai ya bamosusu, atako tokokaki kozala kilo monene+ mpo tozali bantoma ya Kristo.  Kutu, tokómaki nde bato ya boboto na kati na bino, lokola ntango mama oyo azali komɛlisa alɛngɛlaka+ bana na ye mpenza.  Boye, lokola tolingaki bino na bolingo ya motema,+ tosepelaki mingi kopesa bino, kaka nsango malamu ya Nzambe te, kasi mpe milimo na biso moko,+ mpo bokómaki bandeko na biso ya bolingo.+  Ya solo mpenza, bandeko, bobosani te mosala na biso ya makasi mpe mitoki na biso. Ezali na nzela ya mosala makasi+ butu moi, mpo na kotyela moto moko te na kati na bino kilo monene,+ nde tosakolaki nsango malamu epai na bino. 10  Bino moko bomoni, Nzambe mpe amoni, ndenge tozalaki bato ya sembo mpe bayengebene mpe bato bazangi mbeba+ epai na bino bandimi. 11  Na yango, boyebi malamu ete, ndenge tata+ asalaka na bana na ye, tokobaki kolendisa+ mokomoko na bino, kobɔndisa bino mpe kopesa litatoli liboso na bino, 12  mpo ete bókoba kotambola+ ndenge ebongi na Nzambe oyo azali kobenga+ bino na bokonzi+ na ye mpe na nkembo na ye. 13  Ya solo, ezali mpo na yango nde tozali mpe kotika te kopesa Nzambe matɔndi,+ mpo ntango boyambaki liloba ya Nzambe,+ oyo boyokaki epai na biso, bondimaki yango, lokola liloba ya bato te,+ kasi, ndenge yango ezali mpenza, lokola liloba ya Nzambe, oyo ezali mpe kosala mosala na kati na bino bandimi.+ 14  Mpo, bandeko, bokómi bamekoli ya masangá ya Nzambe oyo ezali na Yudea na bomoko elongo na Kristo Yesu, mpo bino mpe bobandi konyokwama+ na mabɔkɔ ya bana-mboka na bino moko na makambo ndenge moko na oyo bango mpe bazali konyokwama na yango na mabɔkɔ ya Bayuda, 15  oyo babomaki ata Nkolo Yesu+ ná basakoli+ mpe banyokolaki biso.+ Lisusu, bazali kosepelisa Nzambe te, kasi bazali nde kotɛmɛla matomba ya bato nyonso, 16  na ndenge bazali koluka kopekisa+ biso ete tóloba te na bato ya bikólo mpo bábika,+ mpe na ndenge yango, bazali ntango nyonso kotondisa mɛkɛ+ masumu na bango. Kasi nsukansuka nkanda na ye eyeli bango.+ 17  Bandeko, mpo na biso, ntango tozangaki bino mpo na mwa ntango moke, na bilongi, kasi na motema te, tosalaki makasi mingi mpenza mpo na komona bilongi na bino na mposa makasi.+ 18  Yango wana tozalaki na mposa ya koya epai na bino, ɛɛ, ngai Paulo, mbala moko mpe mbala mosusu, kasi Satana akangaki biso nzela. 19  Mpo elikya na biso to esengo na biso to motole+ na biso ya nsai ezali nini—ɛɛ, ezali bino te?—liboso ya Nkolo na biso Yesu na ntango ya kozala na ye?+ 20  Ya solo, bino nde nkembo na biso mpe esengo na biso.

Maloba na nse