Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Batesaloniki 1:1-10

1  Paulo ná Silvano+ mpe Timote+ epai ya lisangá ya Batesaloniki oyo ezali na bomoko+ elongo na Nzambe Tata mpe Nkolo Yesu Kristo: Boboto monene mpe kimya ezala na bino.+  Topesaka ntango nyonso Nzambe matɔndi ntango totángaka bino nyonso na mabondeli na biso,+  mpo totikaka te kokanisa mosala na bino ya sembo+ mpe mosala makasi na bino ya bolingo mpe koyika mpiko na bino mpo na elikya+ na bino epai ya Nkolo na biso Yesu Kristo liboso ya Nzambe mpe Tata na biso.  Mpo, bino bandeko oyo bolingami na Nzambe, toyebi ete ye aponi bino,+  mpo nsango malamu oyo tozali kosakola eyaki epai na bino kaka na maloba te kasi mpe na nguya+ mpe na elimo santu mpe na kondima makasi,+ ndenge kaka boyebi motindo ya bato biso tokómaki epai na bino mpo na bolamu na bino;+  mpe bokómaki bamekoli+ na biso mpe ya Nkolo,+ mpamba te bondimaki liloba na kati ya bolɔzi mingi+ na esengo ya elimo santu,+  boye bokómi ndakisa mpo na bandimi nyonso na Masedonia mpe na Akaya.  Likambo ya solo ezali oyo ete, uta epai na bino lokito ya liloba ya Yehova+ eyokani kaka na Masedonia ná Akaya te, kasi na esika nyonso, kondima na bino+ epai ya Nzambe epalangani,+ yango wana, ntina kutu tóloba ata likambo ezali te.  Mpo bango moko bazali kokoba koloba ndenge tokɔtaki liboso epai na bino mpe ndenge botikaki bikeko+ na bino mpe bobongwanaki epai ya Nzambe mpo na kosala lokola baombo mpo na Nzambe ya bomoi+ mpe ya solo,+ 10  mpe mpo na kozela+ Mwana na ye auta na likoló,+ oyo ye alamwisaki na bakufi,+ elingi koloba, Yesu, oyo azali kosikola biso na nkanda oyo ezali koya.+

Maloba na nse