Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Bakorinti 3:1-23

3  Boye, bandeko, nakokaki te koloba na bino lokola na bato ya elimo,+ kasi nde lokola na bato ya mosuni, lokola na bana mike+ na kati ya Kristo.  Napesaki bino nde mabɛlɛ, kasi eloko ya kolya te,+ mpo bozalaki naino mpenza makasi te. Kutu, sikoyo mpe bozali mpenza makasi te,+  mpo bozali naino bato ya mosuni.+ Mpo lokola zuwa mpe koswana ezali na kati na bino,+ bozali bato ya mosuni mpe bozali kotambola lokola bato batambolaka, boye te?+  Mpo wana moko alobi ete: “Ngai nazali moto ya Paulo,” kasi mosusu alobi ete: “Ngai moto ya Apolosi,”+ bozali kaka bato te?  Kutu, Apolosi+ nde nani? Ɛɛ, Paulo azali nani? Basaleli+ oyo na nzela na bango bokómaki bandimi, ndenge Nkolo apesaki na moto na moto.  Ngai nalonaki,+ Apolosi amwangisaki mai,+ kasi Nzambe azalaki kokolisa;+  na yango, moto oyo azali kolona azali eloko te+ ndenge moko mpe oyo azali komwangisa mai, kasi kaka Nzambe moto azali kokolisa.+  Nzokande moto oyo azali kolona mpe moto oyo azali komwangisa mai bazali moko,+ kasi moto na moto akozwa mbano na ye na kolanda mosala na ye mpenza ya makasi.+  Mpo tozali bato oyo bazali kosala elongo na Nzambe.+ Bino bozali elanga ya Nzambe oyo ezali kolonama,+ ndako ya Nzambe.+ 10  Na kotalela boboto monene+ ya Nzambe oyo emonisamaki epai na ngai, natyaki moboko+ lokola mokambi ya misala oyo azali moto ya bwanya, kasi moto mosusu azali kotonga likoló na yango. Kasi moto na moto akebaka na ndenge oyo azali kotonga likoló na yango.+ 11  Mpo moto moko te akoki kotya moboko+ mosusu longola kaka oyo etyamá, oyo ezali Yesu Kristo.+ 12  Nzokande soki likoló ya moboko yango moto atongi na wolo, na palata, na mabanga ya ntalo, na mabaya, na matiti, na ndɛlɛ, 13  mosala ya moto na moto ekomonana polele, mpo moi ekomonisa yango, mpo ekomonisama na nzela ya mɔtɔ;+ mpe mɔtɔ nde ekolakisa ndenge mosala ya moto na moto ezali. 14  Soki mosala oyo moto atongi likoló ya moboko wana etikali,+ moto yango akozwa mbano;+ 15  soki mosala ya moto eziki, moto yango akotikala mabɔkɔ mpamba, kasi ye moko akobika;+ nzokande, soki bongo, ekozala lokola nde aleki na mɔtɔ.+ 16  Boyebi te ete bino bozali tempelo ya Nzambe,+ mpe ete elimo ya Nzambe efandi na kati na bino?+ 17  Soki moto abebisi tempelo ya Nzambe, Nzambe akobebisa ye;+ mpo tempelo ya Nzambe ezali mosantu,+ tempelo+ yango nde bino.+ 18  Moto amikosa te: Soki moto moko na kati na bino akanisi ete azali moto ya bwanya+ na ntango oyo, akóma zoba, mpo akóma moto ya bwanya.+ 19  Mpo bwanya ya mokili oyo ezali bozoba na miso ya Nzambe;+ mpo ekomamá ete: “Azali kokanga bato ya bwanya na kati ya mayele mabe na bango moko.”+ 20  Mpe lisusu: “Yehova ayebi ete makanisi ya bato ya bwanya ezali mpamba.”+ 21  Na yango, moto amikumisa te mpo na bato; mpo biloko nyonso ezali ya bino,+ 22  ezala Paulo to Apolosi+ to Kefa to mokili to bomoi to liwa to biloko oyo ezali sikoyo to biloko oyo ekoya,+ biloko nyonso ezali ya bino; 23  kasi bino bozali bato ya Kristo;+ mpe Kristo azali moto ya Nzambe.+

Maloba na nse