Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

1 Bakonzi 5:1-18

5  Mpe Hirame+ mokonzi ya Tire+ atindelaki Salomo basaleli na ye,+ mpo ayokaki ete ye nde batyaki mafuta azala mokonzi na esika ya tata na ye; mpo Hirame azalaki ntango nyonso kolinga Davidi.+  Na yango, Salomo atindelaki Hirame bato mpe alobaki ete:+  “Yo moko oyebi malamu ete tata na ngai Davidi akokaki te kotongela nkombo ya Yehova Nzambe na ye ndako mpo na bitumba+ oyo banguna bazingaki ye na yango, kino Yehova atyaki bango na nse ya makolo na ye.  Mpe sikoyo, Yehova Nzambe na ngai apesi ngai bopemi bipai nyonso.+ Motɛmɛli moko azali te, mpe eloko moko te ya mabe ezali kosalema.+  Mpe talá, nazali na likanisi ya kotongela nkombo ya Yehova Nzambe na ngai ndako,+ ndenge Yehova alakaki tata na ngai Davidi ete: ‘Mwana na yo oyo nakofandisa na kiti na yo ya bokonzi na esika na yo, ye nde akotongela nkombo na ngai ndako.’+  Bongo sikoyo, pesá mitindo ete bákatela ngai basɛdrɛ na Libá;+ mpe basaleli na ngai bakozala elongo na basaleli na yo, mpe lifuti ya basaleli na yo, nakopesa yo yango, na kolanda nyonso oyo okoloba, mpo yo moko oyebi malamu ete kati na biso, ezali na moto moko te oyo ayebi kokata banzete lokola Basidone.”+  Mpe esalemaki boye: ntango kaka Hirame+ ayokaki maloba ya Salomo, asepelaki makasi, mpe alobaki lisusu boye: “Yehova apambwami+ lelo oyo na ndenge apesi Davidi mwana moko ya bwanya+ azala mokonzi ya ebele ya bato oyo!”+  Na yango, Hirame atindelaki Salomo bato mpe alobaki boye: “Nayoki maloba oyo otindelaki ngai. Ngai nakosala nyonso oyo ezali kosepelisa yo na likambo ya banzete ya sɛdrɛ mpe banzete ya jenevriye.+  Basaleli na ngai bakokitisa yango longwa na Libá+ tii na mbu; mpe ngai, na ngala na ngai, nakokangisa yango mpe nakotika yango etepatepa na mbu tii na esika oyo okoyebisa ngai;+ mpe nakofungola yango kuna, mpe yo okomema yango; mpe yo okosepelisa ngai soki opesi bato ya ndako na ngai biloko ya kolya.”+ 10  Na yango, Hirame akómaki kopesa Salomo banzete ya sɛdrɛ mpe banzete ya jenevriye, ndenge Salomo asepelaki na yango. 11  Mpe Salomo apesaki Hirame korosi+ nkóto ntuku mibale (20 000) ya blé mpo ezala biloko ya kolya mpo na bato ya ndako na ye mpe korosi ntuku mibale (20) ya mafuta ya mbuma ya olive oyo etutami.+ Yango nde Salomo azalaki kopesa Hirame mbula na mbula.+ 12  Mpe Yehova apesaki Salomo bwanya, ndenge alakaki ye;+ mpe kimya ezalaki kati na Hirame ná Salomo, mpe bango mibale basalaki kondimana. 13  Bongo Mokonzi Salomo azalaki se kozwa bato na Yisraele mobimba mpo na kosala misala na makasi; mpe bato oyo babengisamaki mpo na kosala misala na makasi+ bazalaki bato nkóto ntuku misato (30 000). 14  Mpe azalaki kotinda bango na Libá sanza na sanza bato nkóto zomi (10 000), bato na bato na ngala na bango. Bazalaki kolekisa sanza moko na Libá, mpe sanza mibale na bandako na bango;+ mpe Adonirame+ nde azalaki kokamba bato oyo babengisamaki+ mpo na kosala misala na makasi.+ 15  Mpe Salomo akómaki+ na bato nkóto ntuku nsambo (70 000) oyo bamemaka+ mikumba ya kilo mpe bato nkóto ntuku mwambe (80 000) oyo bakataka+ mabanga na ngomba,+ 16  longola bakapita ya bakomisɛrɛ+ ya Salomo oyo bazalaki kokamba mosala, elingi koloba batambwisi-misala+ nkóto misato na nkama misato (3 300) oyo bazalaki kokamba bato oyo bazalaki kosala mosala. 17  Na yango, mokonzi apesaki mitindo ete bábimisa mabanga ya minene, mabanga ya ntalo mingi,+ mpo na kotya moboko+ ya ndako na mabanga oyo bakatá.+ 18  Bongo batongi ya Salomo ná batongi ya Hirame ná Bagebale+ bakataki mabanga, mpe bazalaki se kobongisa banzete mpe mabanga mpo na kotonga ndako.

Maloba na nse