Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Linɔ́ngi ya Mosɛnzɛli  |  Sanza ya Septembre 2015

 ELOBELI TITRE YA EZIPELI | BATATOLI YA YEHOVA BAZALI BANANI?

Batatoli ya Yehova bandimaka makambo nini?

Batatoli ya Yehova bandimaka makambo nini?

Batatoli ya Yehova bandimaka ete “Makomami nyonso ekomami na litambwisi ya elimo ya Nzambe mpe ezali na litomba.” (2 Timote 3:16) Tosalelaka Biblia mpo na koyekola makambo etali Mozalisi mpe mpo na kozala na bomoi ya esengo.

Biblia elobi boye: “Báyeba ete yo, oyo nkombo na yo ezali Yehova, Yo moko nde Oyo-Aleki-Likoló na mabele mobimba.” (Nzembo 83:18) Na yango, tosambelaka kaka Yehova Nzambe mpe lokola tozali Batatoli na ye, tosalaka nyonso tóyebisa bato nkombo na ye.​—Yisaya 43:10-12.

Lokola tozali bakristo, tondimaka ete Yesu, “Mwana ya Nzambe,” * ayaki na mokili mpe akómaki Masiya. (Yoane 1:34, 41; 4:25, 26) Nsima ya liwa na ye, Yesu asekwaki mpe azongaki na likoló. (1 Bakorinti 15:3, 4) Na nsima, akómaki mokonzi ya Bokonzi ya Nzambe. (Emoniseli 11:15) Bokonzi yango ezali guvɛrnema ya solosolo oyo ekozongisa mabele paradiso. (Danyele 2:44) Biblia elobi boye: “Bato ya komikitisa bakozwa mabele, mpe bakosepela mpenza na kimya mingi.”​—Nzembo 37:11, 29.

“Ntango batángaka Biblia, bandimaka ete Nzambe nde alobaka na bango. Soki bakutani na mikakatano na bomoi na bango, basalelaka Liloba ya Nzambe mpo na koluka solisyo. . . . Mpo na bango, Liloba ya Nzambe ezali na bomoi.”​—Benjamin Cherayath, mokonzi moko ya Lingomba ya Katolike, zulunalo moko (Münsterländische Volkszeitung), Allemagne

Batatoli ya Yehova bandimaka ete batoli ya Biblia ekoki kosalisa bato ata lelo oyo. (Yisaya 48:17, 18) Yango wana tolandaka mpenza batoli yango. Na ndakisa, lokola Biblia ekebisaka biso na bizaleli oyo ebebisaka nzoto mpe makanisi, tomɛlaka makaya te mpe tosalelaka drɔgɛ te. (2 Bakorinti 7:1) Toboyaka mpe bizaleli oyo Biblia epekisi mpenza, na ndakisa kolangwa masanga, pite mpe koyiba.​—1 Bakorinti 6:9-11.

^ par. 5 Biblia ebengi mpe Yesu ‘Mwana ya Nzambe se moko oyo abotamaki’ mpo azali ekelamu ya liboso oyo Yehova akelaki ye moko.​—Yoane 3:18; Bakolose 1:13-15.

Makambo mosusu

MITUNA OYO BATO BATUNAKA MINGI

Makambo nini Batatoli ya Yehova bandimaka?

Talá na mokuse mateya 15 oyo biso tondimaka.

MITUNA OYO BATO BATUNAKA MINGI

Batatoli ya Yehova bakanisaka ete kaka bango nde lingomba ya solo?

Yesu alobaki nde ete banzela oyo ememaka na lobiko ezali ebele?